भांगरभूंय | प्रतिनिधी
कोलकाता, खबरां संस्था : हांगाच्या आर जी कर वैजकी म्हाविद्यालय, हॉस्पिटलांत एके बायल दोतोराचे बलात्कार करून मागीर तिची क्रूरपणान हत्या केली. ह्या प्रकरणांत अटक केल्ल्या संजय राॅय हाका पुलिसांनी अटक केल्या. ताणें गुन्यांव मान्य केला. ताचे विशीं आतां नवी म्हायती मुखार आयल्या.
संजय राॅय दोतोराची हत्या करचे पयलीं रेड लायट एरियांत गेल्लो. पुलिसांनी सांगिल्ले प्रमाण, संजय आनी ताचो एक वांगडी सोनागाछी वाठारांत गेल्ले. हांगा वेश्यावस्ती आसा. त्या वेळार संजय खूब सोरो पियेल्लो. ताचो वांगडी शिंदळके कडेन गेलो. संजय भायरुच उबो आशिल्लो. मध्यानरातीं २ वरांचेर ते दोगूय दुसऱ्या वेश्यावस्तींत गेले. थंय संजयान एका बायलेची फकांडां केलीं आनी तिका नग्न फोटो दिता? अशें विचारलें. संजयच्या वांगड्यान भाड्यान दुचाकी हाडिल्ली. मागीर संजय हाॅस्पिटलांत आयलो आनी ताणें सेमिनार हाॅलांत सुगेश घेवपी दोतोराचेर बलात्कार केलो आनी तिची हत्या केली.
संजय ते रातीं २- ३ फावटी हाॅस्पिटलांत आयिल्लो.एकदां ताणें आॅपरेशन थेटाचें दारुय मोडिल्ले, अशी म्हायती पुलिसांनी दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
