भांगरभूंय | प्रतिनिधी
पेडणें, प्रतिनिधी ः जिवघेणो हल्लो प्रकरणांत मांद्र्यां पुलिसांनी 6 दुबावितांचेर गुन्यांव नोंद केला. आश्वें मांद्र्यांचे एके बायलेन तिचेर जिवघेणो हल्लो जाल्ल्याची कागाळ पुलिशेंत नोंद केली. ते कागाळीचेर आदारुन पुलिसांनी दुबावितां आड गुन्यांव नोंद केलो.
ही घडणूक 19 ऑगस्टाक दिसा रातच्या 8 वरांचेर भूमिका देवळा कडेन घडली. कागाळदार बायलेक दुबावितांनी गाळयो संवल्यो, उपरांत तिका जोतीं, खोटांनी मारली. आरोपींनी कागाळदार बायलेक अयोग्य रितीन स्पर्श करुन तिचो छळ केलो आनी तिका मारपाची धमकी दिली, असो गुन्यांव पुलिसांनी नोंद केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
