सानुल्यो खबरो
भांगरभूंय | प्रतिनिधी
- प्रियोळच्या श्रीबेताळ देवळांत २९ ऑगस्टाक वर्सुकी पुजेचें आयोजन केलां. ह्या निमतान बुधवारा देवळांत सकाळीं पुजा, आरती जातली. उपरांत सांजे वेळार ७ वरांचेर भक्तिगीत आनी नाट्यगीतांची कार्यावळ सादर करतले. महाप्रसादाचेंय आयोजन केलां. भाविकांनी व्हडा संख्येन हाजीर रावपाचो उलो पुजेचे यजमान मनोज म्हार्दोळकार हांणी मारला.
- बागवाडो, गांवठण- खांडेपारा मैदानार २५ ऑगस्टाक गोमंतक गौड मराठा समाजा वतीन दुसर्या फुटबॉल सर्तीचें आयोजन केलां. सकाळीं ८ वरांचेर सर्त सुरू जातली. सांजेवेळार ५ वरांचेर मानेस्तांचे हाजेरींत फायनल मॅच जातली, अशी म्हायती कार्याध्यक्ष तशेंच आदले आमदार प्रसाद गांवकार हांणी दिली.
- माडेल, थियेच्या श्रीमहागणपती भवानी बांदेश्वर ब्राह्मण महिषासूरमर्दिनी देवळांत तिसरो भौशीक श्रावणी मंगळार २० ऑगस्टाक मनयतले. सकाळीं ६.३० वरांचेर श्री महागणपती मंदिरांत कांबळी हांच्या यजमानपदा खाला अभिशेक आनी हेर धर्मीक विधी जातले. उपरांत दनपरां ३.३० वरांचेर महिला मंडळा वतीन रोशन रामेश्वर गडेकार हांच्या यजमानपदा खाला सत्यनारायण महापुजा जातली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
