भांगरभूंय | प्रतिनिधी
कुळेंच्या गायडांचो निर्णय
फोंडें, प्रतिनिधी: दुदसागर घसघश्याचेर ट्रेकिंग खातीर लागू केल्लें दर रद्द केले बगर पर्यटकांक सेवा दिवचे नात, असो निर्णय कुळेंच्या गायडांनी घेतला. ताका लागून दुसर्या दिसा ट्रेकिंगा खातीर आयिल्ल्या शेंकड्यांनी पर्यंटकांक परत वचचें पडलें. थळावी पंचायत, पुलीस, रान खातें तशेंच थळाव्या आमदारान बसका आपोवन चर्चा करपाची मागणी गायडांनी केली.
ट्रेकिंगा खातीर वचपी पर्यटकां कडल्यान अचकीत गोंय पर्यटन विकास मंडळान १७७ रुपया फी घेवपाक सुरवात केली. तशेंच रान खात्यान प्रवेश शुल्कांत ५० रुपया वाडयल्यात. घसघश्या लागसारा गोंय पर्यटन उदरगत मंडळान खंयचीच सुविधा उपलब्ध करूंक ना. ताका लागून अचकीत पर्यटकांक लागून केल्लो दर रद्द करपाची मागणी गायडांनी केली.
आयतारा कुळें वाठारांतल्या गायडांनी रान खात्याच्या गेटी लागसारा वचून बसका घेतली. जो मेरेन रान खात्यान वाडयिल्ले पयशे ५० रुपया आनी गोंय पर्यटन उदरगत मंडळान लागू केल्ले १७७ रुपया हो नवो शुल्क रद्द जायना तो मेरेन पर्यटकांक घेवन ट्रॅकिंगाक वच्चे नात असो निर्णय गायडांनी घेतला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
