भांगरभूंय | प्रतिनिधी
पेडणें, प्रतिनीधी: मांद्रें पुलिसांनी रातीं मारिल्ले धाडींत एकल्याक ताब्यांत घेतलो. दुबावीताचें सय्यद आसिफ जिब्रान (३६, रा. टेमवाडो, हणजुणे, मूळ तेलंगणा) अशें नांव जावन आसा. ताचे कडल्यान पुलिसांनी १.०५ लाखांचो ४.६४ ग्रॅम ड्रग्स आनी एक दुचाकी जप्त केल्या.
पुलीस अधीक्षक अक्षत कौशल हांकां एकलो ड्रग्स विकपाक येवपाचो आशिल्ल्याची म्हायती मेळ्ळी. ते प्रमाण तांणी पेडणें उपअधीक्षक जिवबा दळवी, पीआय शेरीफ जॅक आनी हेर कर्मचार्यांची टीम तयार केली. उपरांत १७ ऑगस्टाचे रातीं ते १८ ऑगस्टचे फांतोडे मेरेन पुलिसांनी आगरवाडो-चोपड्यां धाड घातली. दुबावीत हांगा पावतांच ताका पुलिसांनी ताब्यांत घेतलो. ताचे कडेन १.०५ लाखांचो एक्स्टेसी ड्रग्स पावडर आनी हेर सामान सांपडले.
पुलिसांनी दुबाविता कडल्यान ड्रग्सा सयत स्मार्ट फोन, सिमकार्ड, वेस्पा (GA-03-AG-8305 ) दुचाकीय जप्त केल्या.
दुबाविताक पुलिसांनी अटक केल्या. पुलीस उपअधीक्षक दळवी आनी एसपी उत्तर अक्षत कौशल, आयपीएस हांच्या मार्गदर्शना खाला पुलीस उप निरीक्षक अभिषेक चोडणकार फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
