भांगरभूंय | प्रतिनिधी
पणजी ः दिल्लींत जाल्ले मिसेस इंडिया 2024 सौंदर्य सर्तींत गोंयांतली तरणाटी उद्योजक समृद्धी धोंड- कुंकळकार हिणें मुखेल सर्तीत चवथो क्रमांक आनी ‘मिसेस कोंजेनालिटी 2024’ हो किताब मेळयलो.
आय आय एम बंगलुरुच्या आदल्या विद्यार्थ्यांचे वतीन आयोजीत केल्ले हे विशेश मिसेस इंडिया सर्तीचे 13 वे आवृत्तींत देशभरांतल्यान 21 ते 40 वर्सां पिरायेच्या तीन हजार बायलांनी वांटो घेतिल्लो. सर्तीत गोंयचें प्रतिनिधित्व करपी समृद्धी धोंड हिणें निमणें फेरयेंत 13 जाणां मदीं सुवात मेळयली.
निमणें फेरयेंत समृद्धीक ‘मिसेस कोंजेनालिटी 2024’ हो किताब मेळ्ळो. तर मिसेस इंडिया 2024- द क्वीन ऑफ सबटन्स हे मुखेल सर्तीत चवथो क्रमांक फावो जालो. गोवा वेल्हा आनी पणजेत येसस्वी सलून चलोवपी आनी राज्यांत रंगभूशाकार म्हणून समृद्धी धोंड फामाद आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
