शणै गोंयबाब कथामाळ सर्तीची केंद्र पांवड्या वेयली फेरी 24 ऑगस्टाक
भांगरभूंय | प्रतिनिधी
मडगांव, प्रतिनिधी ः कोंकणी भाशा मंडळ, गोंय आयोजीत २३ वे शणै गोंयबाब कथामाळ सर्तीची केंद्र पांवड्या वयली फेरी अंदूं २४ ऑगस्टाक जातली. सर्तीक मेळपी उपाट प्रतिसाद पळोवन आयोजकांनी फाटलीं कांय वर्सां जिल्लो पातळेचेर सर्तीचें आयोजन केलां. 1 सप्टेंबराक सकाळीं 9 वरांचेर मडगांवच्या कोंकणी भाशा मंडळात जिल्लो पांवड्यावेली फेरी जातली आनी मागीर त्याच दिसा सांजे वेळार राज्य पांवड्यावेली सर्त जातली.
केंद्रीय पांवड्यावेली सर्त वट्ट 18 केंद्रांनी चलतली. ही सर्त 12 म्हालांतल्या 12 केंद्रांनी आनी कुंकळ्ळे, बार्देस, फोंडें, तिसवाडी आनी मडगांव ह्या अतिरिक्त केंद्राचेर जातली. साश्टी आनी केपें म्हालांतल्या कांय विद्यालयांचो आसपाव कुंकळ्ळी केंद्राचेर केला. ही सर्त येसस्वी करपाक वट्ट 160 वयर परिक्षक आनी 300 वयर आपवावुरपी वावुरतले, अशें मंडळाची प्रभारी अध्यक्ष रत्नमाला दिवकार हांणी सांगलें.
शणै गोंयबाब कथामाळ सर्तीची केंद्र पांवड्या वेयली फेरी 24 ऑगस्टाक
ही सर्त पयली ते चवथी, पांचवी ते सातवी आनी आठवी ते धावी यत्ता अशा तीन गटांनी आयोजीत जातली. सर्त पयलीं शाळेंत घेवची ह्या मंडळाच्या उल्याक साबार शाळांनी व्हडलो प्रतिसाद दिला. शालेय पांवड्यावेल्या जैतिवंतांक केंद्र पांवड्याचेर धाडचें आनी ह्या सर्तकांक मंडळ प्रशस्तीपत्रकां भेटयतलें अशें मंडळाचें मत आसा. विशेश विद्यार्थ्यां खातीरय ही सर्त उक्ती आसा. विशेश शाळेंतल्या विद्यार्थ्यांक खंयच्याय कथाकथन केंद्राक भेट दिवन आनी नोंदणी सादर करून सर्तींत वांटो घेवंक मेळटा.
जायते पालक, शिक्षक आनी हेर लोक कथाकथन सर्तीचो एक भाग म्हूण स्वताच्यो नवीन कथा बरयतात. देखून ह्या वर्सा मंडळान कथा बरोवपा खातीर इनामां थारायल्यांत. ह्या खाशेल्या सर्ती खातीर नवीन कथा बरोवप्यांक काणयेची प्रत म्हायती आनी प्रतिज्ञापत्रां सयत संबंदीत केंद्रांतल्या कथामाळेच्या संयोजकां कडेन सादर करचें असो उलो दिवकार हांणी केला. कथा लेखन सर्तीचें परीक्षण राज्य पांवड्यार जातलें.
ह्या कथाकथन सर्ती संबंदीची सगळी म्हायती आनी नेम गोंयांतल्या सगळ्या मुळावे आनी माध्यमीक शाळांनी पावयल्यात. चड म्हायती खातीर, सर्तीचे संयोजक शलाका देसाय हांकां 7350426399 ह्या क्रमांकाचेर वा सह-संयोजक यतीन नायक हांकां 9049750869 ह्या क्रमांकाचेर संपर्क करचो, अशें कळीत केलां.
सर्तीचें सविस्तर वेळापत्रक फुडें दिल्ले प्रमाण –
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
