भांगरभूंय | प्रतिनिधी
चेन्नय, खबरां संस्था: भारतीय अंतराळ संशोधन संस्थेन (इस्रो) देशांतलें सगळ्यांत ल्हान रॉकेट एसएसएलव्ही – डी 3 वापरून श्रीहरिकोटाच्या सतीश धवन अंतराळ केंद्रांतल्यान पृथ्वी निरीक्षण उपगिरो- ८ (ईओएस- 08) सोडलो. तो पृथ्वीच्या भायर सुमार ४७५ किमी अंतराचेर स्थापीत करतले. तो एक वर्स काम करतलो.
ईओएस- 08 चो उद्देश पर्यावरण आनी सैमीक आपत्ती विशीं अचूक म्हायती दिवप आसा. ह्यान पयलीं इस्रोन प्रक्षेपणाची तारीख १५ ऑगस्ट निश्चीत केल्ली. उपरांत एका दिसान तो सोडलो. एसएसएलव्ही लॉंचींग पळोवपा खातीर शेंकड्यांनी तरणाटे इस्रोच्या केंद्राचेर आयिल्ले. मजगतीं, कांय जाणांनी रॉकेटा वांगडा फोटोय काडले.
ईओएस- 08 त तीन पेलोड, सेन्सर आनी नेव्हिगेशन उपग्रह ईओएस- 08 उपग्रहांत तीन पेलोड आसात. हातूंत इलेक्ट्रो ऑप्टिकल इन्फ्रारेड पेलोड, ग्लोबल नेव्हिगेशन सॅटेलाइट सिस्टम-रिफ्लेक्टोमेट्री पेलोडाचो आसपाव आसा. हो उपगिरो दिसाचो आनी रातचोय फोटो काडपाक शकता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
