भांगरभूंय | प्रतिनिधी
भुवनेश्वर, खबरां संस्था ः भारतान मंगळारा ओडिशाच्या दर्यादेगेर लाँग रेंज ग्लाइड बॉम्बाची (LRGB) पयली येसस्वी चांचणी केली. वायुसेनेच्या सुखोई एमके-आय झुजारी विमानांतल्यान हो बॉम्ब सोडलो. उड्डाण चांचणे वेळार ग्लायड बॉम्बान लाँग व्हीलर जुंव्याचेर तयार केल्ल्या टार्गेटाक अचूकपणान धपको दिलो अशें संरक्षण मंत्रालयान सांगलां.
गौरव हो एअर-लाँच केल्लो 1000 किलो वजनाचो ग्लायड बॉम्ब आसून, जो लांब अंतराचेर लक्ष्य करपाक सक्षम आसा अशें संरक्षण मंत्रालयान सांगलां. प्रक्षेपण जातकच हो ग्लायड बॉम्ब अत्यंत अचूक हायब्रीड नेव्हिगेशन येवजणेच्या मजतीन लक्ष्याकडेन सरकता. चांचणी प्रक्षेपणाचो पुराय उड्डाणाचो डेटा टेलिमेट्री आनी इलेक्ट्रो ऑप्टिकल ट्रॅकिंग सिस्टम वरवीं कॅप्चर केला.
गौरव बॉम्ब कोणे तयार केलो?
हो ग्लायड बॉम्ब हैदराबादाच्या रिसर्च सेंटर बिल्डिंग (RCI) कंपनीन तयार केल्लो आसा. ताचे भागीदार अदानी डिफेन्स आनी भारत फोर्ज हेय चांचणी उड्डाणा वेळार हाजीर आशिल्ले.
ग्लायड बॉम्ब म्हणल्यार कितें?
ग्लायड बॉम्ब म्हळ्यार उडपी विमानांतल्यान सोडिल्लो बॉम्ब. हो बॉम्ब सरळ वयर सोडचेपरस लक्ष्या पसून कांय अंतराचेर सोडटात. तशेंच विमानविरोधी संरक्षण प्रणाली टाळूंक शकता. जीपीएस वरवीं ह्या बॉम्बांचो उपेग करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
