भांगरभूंय | प्रतिनिधी
नवी दिल्ली, खबरां संस्था ः भारताच्या लोकसंख्ये विशीं हालींच सांख्यिकी आनी कार्यावळ मंत्रालयान एक अहवाल उजवाडायला. भारताची लोकसंख्या 2036 वर्सा 152.2 कोटी मेरेन पावूं येता असो दावो ह्या अहवालात केला.
अहवाला प्रमाण 2036 मेरेन लिंग गुणोत्तर दर 1000 दादल्यां मदीं 952 बायलां मेरेन पावपाची शक्यताय आसा. 2011 वर्साचे जनगणनेंत हो आंकडो 943 आशिल्लो. म्हत्वाचें म्हणल्यार प्रजनन प्रमाण उणें जाल्ल्यान 2011 वर्साच्या तुळेंत 2036 वर्सा 15 वर्सां सकयल्या लोकांचें प्रमाण उणें जावपाची शक्यताय आसा. जाल्यार ह्या काळांत 60 वर्सां आनी ताचे वयल्या लोकसंख्येचें प्रमाण नेटान वाडटलें.
संवसारांतली लोकसंख्या 8 अब्जां वयर
1 जानेवारी 2024 मेरेन संवसारांतली लोकसंख्या 8 अब्ज वयर गेल्या. 1 जानेवारी 2023 दिसा हो आंकडो 7.94 अब्ज आशिल्लो. अमेरिकेच्या सेन्सस ब्युरोन अहवालांत हो दावो केला. ते प्रमाण 2023 वर्सा संवसारांतली लोकसंख्या सुमार 75 दशलक्ष वाडल्या. ह्या अहवाला प्रमाण संवसारांत दर सेकंदाक 4.3 लोक जल्माक येतात, जाल्यार दर सेकंदाक 2 जाणांक मरण येता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
