भांगरभूंय | प्रतिनिधी
आपलो जीव धोक्यात घालून देशाची राखण करप सोंपें न्ही. कोण करीत कांय हें? ना. हें फकत एक सैनीकूच करीत, जाका खबर आसा देशाप्रती आशिली जापसालदारकी.
आमच्या देशाचे आदले प्रधानमंत्री लालबहादुर शास्त्री सदांच म्हणटाले, “जय जवान, जय किसान” जवानांचो जय जावं तशेच किसान म्हळ्यार शेतकाराचो जय जावं. ह्या दोगांय बगर आमचो देश चलपाक शकना. एकलो दिता संवरक्षण आनी दुसरो करता पोटाची राखण. एक जवान वा सैनिक म्हळ्यार आमच्या देशाचो म्हत्वाचो भाग. आपल्या रक्ताच्या वयेंन तयार केल्ल्या सुरक्षा चक्रात तो देशाची सीमा सदांच घट्ट बांदून धरता. स्वताक देशाक समर्पित करुन तो सदांच अज्रंवर जाता.
देशाचो खरो खांबो म्हळ्यार आमचे हे सैनिक, आमचे जवान. सैनिक जावन आसा देशाचो खरो राखणदार. एक सैनिक शिमेर रातदीस उबो रावन देशाची राखण करता. तो थंय उबो आसता म्हूण आमी हांगा सुखान जगपाक शकतात. एक सैनिक जेन्ना शिमेर रातपाळी मारता तेन्ना बाकीचो सगळो लोक सुशेगाद न्हिदूंक शकता. आमचे जवान जावन आसात खरे राष्ट्रप्रेमी, देशभक्त. देशाची राखण करूंक ते आपल्या जिवाचें बलिदान दितात. सैनिक म्हळ्यार एक रखरखतो सूर्य, जो भारत मातेक आपल्या उजवाडाची किरणां फाकयत पुराय देश परजळीत करता.
आपलो जीव धोक्यात घालून देशाची राखण करप सोंपें न्ही. कोण करीत कांय हें? ना. हें फकत एक सैनीकूच करीत, जाका खबर आसा देशाप्रती आशिली जापसालदारकी. एक सैनिक हें सगळें कशें करता आसतलो काय? स्वतःक देशाक समर्पित करप. आपली घरचीं, आपले सुखदुख्ख, सगळी मजा विसरून फकत देशाचीच सेवा करप हें खूप कठीण काम. तो विचारानं खूप खंबीर तसोच उद्देशान धीट आसता. तो केन्ना गुळयेची पर्वा करीना ना कसल्या आरामाची. ही खरी देशभक्ती स्वतःक देशाक अर्पण करपाची.
आमी आमचे मदीं कितलोय जाती, जमाती भेद हाडूं, कितलीय दुफळी करूं, पूण एक जवान वा एक सैनिक केन्नाच जातीचेर भेदभाव करीना. खंयच्याच धर्माचो ताचेर प्रभाव पडना. भारत मातेचे रक्षण होच ताचो परम धर्म आनी हेच ताचें कर्तव्य. ताचे खातीर सगळेच ह्या देशाचे नागरिक आनी सगळेच ह्या भारत मातेचे पुत. एक सैनिक जावप ही अभिमानाची गजाल. एका सैनिकाक जर विचारशात “howz the josh’’ तो म्हणटा “high sir’’. ह्याच हाय जोशान तो जगता आनी होच जोश सगळ्यां भितर फाकयता. म्हणुनूच म्हणटात, सैनिक देशाचो राखणदार. ताका म्हजें काळजांतल्यान नमन. अमर जवान, जय जवान.
शिल्पा लाड
8411007204
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
