भांगरभूंय | प्रतिनिधी
स्वतंत्र भारताची स्थापना 15 आॅगस्ट 1947 दिसा जाली. पूण ब्रिटीश राजवटी पसून स्वतंत्र जातना फाळणीचे चटके आमकां सोंसचे पडले. 15 आॅगस्टाच्या एक दीस पयलीं पाकिस्तानाची निर्मिती जाली. ताका लागून ते आपलो स्वातंत्र्य दीस 14 आॅगस्टाक मनयतात. आमचे शेजारी राष्ट्र भूतान हांचो स्वातंत्र्यदीस 17 डिसेंबराक जाता. तिबेटाच्या कामरुप प्रशासना खाला कांय काळ काडटक 17 डिसेंबर 1907 दिसा वांगचूक वंशान परत सत्ता मेळयिल्ली.
शेजारी बांगला देश स्वातंत्र्यदीस 26 मार्चाक मनयतात. शेख मुजीबूर रेहमान हांणी देशाच्या स्वातंत्र्याची घोशणा करकच 9 म्हयन्यांच्या संघर्शा उपरांत तांकां ह्या दिसा स्वातंत्र्य मेळ्ळें. पाकिस्ताना वांगडच्या ह्या झुजांत भारतान तांची मजत केल्ली. चीनाचो स्वातंत्र्यदीस 1 आॅक्टोबर. ते दीस 1949 त शियान्मेन चौकांत सेंट्रल पीपल्स पक्षाचें सरकार स्थापन जालें. ह्या सरकाराची स्थापना ताचे पयलींच जाल्ली. पूण सरकाराचें काम ह्या दिसा सुरू जालं.
म्यानमाराचो स्वातंत्र्यदीस 4 जानेवारी 1948. ते दीस देश स्वतंत्र जालो. ताचें नांव बर्मा आशिल्लें. सुभाषचंद्र बोस हांचे आझाद हिंद सेनेन बर्मांतल्यानूच भारतांत प्रवेश केल्लो.
पार्थ गुरुराज कामत सातोस्कार
मुझावरवाडो- सांखळी
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
