खांडोळा म्हाविद्यालया वतीन निबंध सर्तीचें आयोजन

भांगरभूंय | प्रतिनिधी

पणजीः खांडोळेंच्या सरकारी कला, विज्ञान आनी वाणिज्य म्हाविद्यालयाच्या कोंकणी विभागान जाग प्रकाशनाच्या जोड पावलान ज्ञानपीठ आनी पद्मभुषण किताब मेळिल्ले साहित्यीक स. रवीन्द्र केळेकार हांच्या उगडासान राज्य पांवड्यावेले आंतर म्हाविद्यालयीन आनी विद्यापीठ निबंध सर्तीचें आयोजन केलां.
गोंय सरकार अंदूंचें वर्स स. रवीन्द्र केळेकार आनी स. मनोहरराय सरदेसाय हांचें जल्मशताब्दी वर्स म्हूण मनयता. ह्या दोगांय साहित्यीकांनी कोंकणी साहित्याक म्हत्वाचें योगदान दिलां. ह्या योगदानान कोंकणी भाशेची आनी कोंकणी समाजाची एक वळख तयार जाल्या.

नेम आनी अटी

• ही सर्त फकत म्हाविद्यालय आनी गोंय विद्यापिठाच्या विद्यार्थ्यां खातीरूच उक्ती आसतली.
• ‘म्हज्या सपनांतलें गोंय’ ह्या विशयाचेर चडांत चड ५०० उतरांचो निबंध बरोवचो पडटलो. तो खंयच प्रकाशीत जाल्लो आसूंक जायना.
• एका म्हाविद्यालयांतल्यान आनी गोंय विद्यापिठांतल्यान दोगूच सर्तक वांटेकार जावपाक शकतात.
  -निबंध कोंकणी भाशेंतल्यानूच आसचो.
• निबंध palkarkiran1996gmail.com ह्या ईमेलाचेर वा ९६९९५१४६७० / ९३२५१३७४१० ह्या फोन नंबराचेर वॉट्सएप करचो.
• निबंधाची प्रत निवळ अक्षरान बरयिल्ली वा टायप केल्ली आसपाक जाय.
• निबंधा सकयल विद्यार्थ्याचें नांव, म्हाविद्यालयाचो/ विद्यापीठाचो नामो, विद्यार्थ्यांचो फोन नंबर तशेंच शिक्षकाचें /प्राचार्याचें नांव आनी सय आसपाक जाय.
• सर्तींतल्या पयल्या जैतिवंताक २००० रूपया रोख इनाम, दुसरें १००० रूपया, तिसरें ७०० रूपया, पयलें उमेद वाडोवपी इनाम ५०० रूपया आनी दुसरें ३०० रूपया अशें आसतलें. तशेंच विशेश पुस्तकूय भेटयतले.
• हे सर्तींत वांटो घेवपा खातीर २० ऑगस्ट दिसा रातच्या १२ वरां मेरेनची मुजत दिल्या.