भांगरभूंय | प्रतिनिधी
पणजी : पैंगीणी- काणकोणा एकल्याचेर कोयत्यान हल्लो जाला. ही घडणूक मालमत्तेचा वादा वेल्यान घडली. हातूंत आंतोनिओ परेरा हाचे तकलेक घावो जाला. हे विशीं काणकोण पुलिसांनी सिद्धार्थ महाले हाका अटक केल्या. ताका पयलो वर्ग न्यायालयांत केलो तेन्ना न्यायालयान ताका ४ दिसांची पुलीस बंदखण दिली. जाल्यार हे विशीं दुसरो दुबावीत विजय महाले हांणी जामिना खातीर अर्ज केला.
मजगतीं, ही हल्ल्याची घडणूक ८ ऑगस्टाक सांजेच्या सुमार ४:३० वरांचेर घडली. सिद्धार्थ महाले, विजय महाले आनी सुवर्णा भंडारी ह्या दुबावितांनी आंतोनिओ परेरा हांचे मालमत्तेंत घुसून ताका वायट उतरां दिलीं. वादाक आनीक नेट आयले उपरांत सुवर्णा आनी विजय हांणी परेरा हाका धरलो आनी सिद्धार्थ हांणी ताचेर कोयत्यान वार केलो. हातूंत परेरा गंभीर जखमी जाल्ल्यान तांकां उपचारा खातीर गोमॅकोंत दाखल केल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
