भांगरभूंय | प्रतिनिधी
वास्को: बायणाच्या एमपीटी मैदानार गांजो विकपा खातीर आयिल्ल्या वरुण पंजाबी( ३१, मूळ चेंबुर-मुंबय) हाका वास्को पुलिसांनी शेनवारा रातीं अटक करून ताचे कडल्यान ७८० ग्रॅम गांजो जप्त केलो. ह्या गांज्याची किंमत ७८ हजार रूपया आसात.
हे विशीं चड म्हायती प्रमाण, वास्को पुलिसांक शेनवारा एक मनीस गांजो विकपाक येवपाचो आसा अशी म्हायती मेळ्ळी. ते प्रमाण पुलीस उपनिरीक्षक प्रिस्ले कार्वालो हांच्या नेतृत्वा खाला वास्कोचे कांय पुलीस थंय लक्ष दवरून रावले. रातच्या आठ वरांचेर एक मनीस थंय आयलो. ताच्यो दुबाव येवपी हालचाली पळोवन ताका पुलिसांनी ताब्यांत घेतलो. जेन्ना ताची तपासणी केली तेन्ना ताचे कडेन गांजो सांपडलो. उपरांत ताका पुलिसांनी अटक केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
