भांगरभूंय | प्रतिनिधी
ब्लूटूथ ईयरबडच्या ल्हानश्या कुडक्या वेल्यान आरोपीचो सोद
कोलकाता, खबरां संस्था: कोलकाताच्या आर. जे. कार राज्य सरकारी हॉस्पिटलांत एका दोतोराचेर बलात्कार करून तिचो खून केल्ल्याचें उक्तडार आयलां. ह्या प्रकरणांत पुलिसांनी आरोपीक अटक केल्या आनी ताचेर गुन्यांव नोंद केला. मजगतीं,न्यायालयान ताका १४ दिसांची बंदखण दिल्या.
शुक्रारा (९ ऑगस्ट) सकाळीं हॉस्पिटलाच्या सेमिनार हॉलांत ३१ वर्सां पिरायेच्या दोतोराची कूड मेल्ले अवस्थेंत मेळ्ळी. तपास अहवाला प्रमाण रगतांत माखिल्ले ते कुडीचेर जायते घावे जाल्ले कुडीचेर चड कपडे नाशिल्ले. हे घडणुके उपरांत हॉस्पिटलाच्या कर्मचार्यांनी आपलो राग उक्तायला आनी जायत्या दोतोरांनी काम बंद केलां. शेनवारा जाल्ल्या आंदोलनांत हेर वैजकी म्हाविद्यालयांतल्या दोतोरांनीय वांटो घेतिल्लो. मजगतीं, हॉस्पिटलांतल्यान सीसीटीव्ही फुटेज आनी हेर पुराव्यांच्या आदारान पुलिसांनी आरोपी संजय रॉय हाका अटक केल्या.
अटक केल्लो आरोपी संस्थे भायलो आसा अशें पुलिसांनी सांगलें. पूण तो सदांच हॉस्पिटलांत येतालो. देखून ताका हॉस्पिटलाच्या वेगवेगळ्या विभागां मदीं सहजपणान वचूंक मेळटालें. ह्या प्रकरणाची चवकशी करपी पुलिसांनी सांगलें, ताच्यो हालचाली दुबाव करपा सारक्यो दिसल्यो. चलयेची कूड मेळ्ळ्या उपरांत ह्या प्रकरणांतल्या आरोपींचो सोद घेतना तांकां ब्लूटूथ ईयरबडचो ल्हानसो कुडको मेळ्ळो. ह्या ल्हानश्या पुराव्याच्या सादारान आरोपींचो सोद घेवंक मेळ्ळो. आरोपीक धरले उपरांत हॉस्पिटलांतल्या हेर दोतोरांक सीसीटीव्ही फुटेजाच्या आदाराचेर आरोपीची वळख पटल्या.
कोण हो आरोपी संजय रॉय ?
पुलीस सुत्रांनी दिल्ले म्हायती प्रमाण आरोपी संजय रॉय हो स्वयंसेवक आशिल्लो आनी तो नेमान हॉस्पिटलांत भेट दितालो. अशे समाजसेवक कंत्राटी कर्मचारी आसतात. येरादारी वेवस्थापनांत येरादारी पुलिसांक मदत करता. सणाच्या वेळार सरकारी कर्मचार्यांक मजत करपाक वता. अनधिकृत पार्किंग काडपा खातीर मदत करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
