भांगरभूंय | प्रतिनिधी
फोंडें, प्रतिनिधी ः पार उसगांवां शुक्रारा सांजवेळार ट्रक आनी दुचाकी मदीं जाल्ल्या अपघातांत दीपक कृष्णा नायक (तिराळ उसगांव) हो तरणाटो जखमी जालो. ताका उपचारा खातीर जीएमसींत दाखल केला. फोंडें पुलिसांनी ट्रक ड्रायव्हरा आड गुन्यांव नोंद केला.
मेळिल्ले म्हायती प्रमाण, शुक्रारा सांजवेळार जीए- 08- व्ही- 2533 क्रमांकाचो ट्रक आनी जीए- 05- सी- 1492 क्रमांकाची दुचाकी हांचें मदीं अपघात जालो. ह्या अपघातांत दुचाकी चलोवपी दीपक नायक जखमी जालो. ताका पयलीं एम्ब्युलन्सींतल्यान उपजिल्लो हॉस्पिटलांत दाखल केलो. उपरांत फुडले उपचारा खातीर ताका जीएमसींत दाखल केलो. फोंडें पुलिसांनी ह्या अपघाताचो पंचनामो केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
