भांगरभूंय | प्रतिनिधी
नवी दिल्ली, खबरां संस्था ः भारतीय वंशाची अंतराळवीर सुनीता विल्यम्स आनी बॅरी विल्मोर अंतराळात आडकल्यांत. ‘नासा’ चे म्हायती प्रमाण तांकां चड काळ अंतराळात रावचें पडूं येता. ह्या दोगूय अंतराळवीरांक परत हाडपाचे यत्न चालू आसात. चड म्हायती प्रमाण सुनीता विल्यम्स आनी बॅरी विल्मोर सध्या आंतरराश्ट्रीय अंतराळ केंद्राचेर (ISS) आसात. बोईंग स्टारलायनांत जाल्ल्या इबाडाक लागून दोगूय जाणा अंतराळात आडकून उरल्यात. आतां अमेरिकन अंतराळ संस्था नासान सांगलां की बोईंग स्टारलायनरांत गेल्ल्या अंतराळवीरांक परत हाडपाची येवजण करतना सगळ्या पर्यायांचो विचार केला.
5 जुनाक अंतराळांत गेल्ले
बोईंग स्टारलायनर ह्या अंतराळांतल्यान सुनीता विल्यम्स आनी बॅरी विल्मोर हांणी 5 जून दिसा आंतरराश्ट्रीय अंतराळ केंद्राचेर (ISS) उड्डाण केलें. ही मोहीम आठ दिसांची आशिल्ली. पूण, हेलियम गळटी आनी थ्रस्टराच्या इबाडाक लागून ते धर्तरेचेर परत येवंक शकले नात. बोईंग स्टारलायनाचे हें पयलें उड्डाण आशिल्ले. सुनीता विल्यम्स आनी बॅरी विल्मोर दोन म्हयन्या सावन अंतराळात आडकून उरल्यात.
स्टारलायनराच्या अंतराळवीरांक परतून धर्तरेचेर हाडपाची येवजण बोईंग कंपनी तयार करता अशें नासाच्या एका अधिकाऱ्यान सांगलें. हांतूत सगळ्यो शक्यताय सोदून काडपाक लागल्यात. तशेंच दोनूय अंतराळ 2025 वर्सा मेरेन धर्तरेचेर परतून येवपाक शकतात असोय एक पर्याय आसा. ह्या येवजणेंत स्पेसएक्सचोय (SpaceX) आस्पाव आसा. स्टारलाइनर स्पेसक्राफ्ट वरवीं विल्मोर आनी सुनीता हांकां परतून हाडपाची जापसालदारकी नासाचेर आसा अशें कमर्शियल क्रू प्रोग्रामचे व्यवस्थापक स्टीव्ह स्टिच हांणी सांगलें. ते खातीर सगळे पर्याय उक्ते आसात. आनी ते खातीर आमी येवजणूय आंखल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
