भांगरभूंय | प्रतिनिधी
फोंडें: वास्कोच्यान कर्नाटकाचे दिशेन जिंदाल कंपनीचो म्हाल घेवन वचपी रेल्वेचे 21 डबे शुक्रारा सकाळीं 9.30 वरांच्या सुमाराक रुळा वयल्यान निसरले. तातूंतलो एक डबो पुराय निसरून म्हाल जमनीर शिंपडलो. सुदैवान हे दुर्घटणेंत कोणूच जखमी जावंक ना. म्हाल व्हरपी रेल्वेचे डबे निसरिल्ल्यान खूबश्या मार्गां वयली येरादारी आडावली. रेल्वे येरादारी हेर मार्गांनी घुंवडायल्या. वास्को- निजामुद्दीन आनी निजामुद्दीन- वास्को ह्यो दोन गाडयो मडगांव, पुणे कल्याण रेल्वे हेर मार्गा वयल्यान घुंवडायल्यात.
घडणुकेची म्हायती मेळटाच रेल्वे कर्मचारी तशेंच कुळें पुलिसांनी घडणुकेचे सुवातेर धांव घेतली. रेल्वे वतीन दुरुस्तीचें काम सुरू केल्ल्यान हुबळी मार्गा वयल्यो गाडयो तात्पुरत्यो थारायल्यात. अदीक मेळिल्ले म्हायती प्रमाण शुक्रारा डबे निसरिल्ल्या म्हाल गाडयेंत कोळसो भरिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
