भांगरभूंय | प्रतिनिधी
फोंडें, प्रतिनिधी: धारबांदोड्यां बिरेस्तारा रातच्या सुमार ९.३० वरांचेर अनवळखी वाहनाचो धपको बसून दुचाकी चालक चेतन कुमार चंद्रा (२३) आनी संतोष नायडू (२२, दोगूय बंगळुरूचे) हे जखमी जाले. जखमींक उपचारा खातीर रातीं उसरां गोमॅकोंत दाखल केले. फोंडें पुलीस अनवळखी वाहनाचो सोद घेतात.
पुलिसांनी दिल्ले म्हायती प्रमाण, बिरेस्तारा रातीं पणजेच्यान बंगळुरू केए -५३ – ईई -६०४४ नंबराचे दुचाकी वेल्यान दोग जाण वताले. धारबांदोडच्यान मोल्यांचे दिकेन वतना अनवळखी वाहनान तांचे दुचाकीचेर धपको दिलो. हातूंत दुचाकी चालक आनी फाटल्यान बशिल्लो तरणाटो जखमी जालो. जखमींक पयलीं पिळयें मुळाव्या भलायकी केंद्रांत दाखल केले. उपरांत फुडल्या उपचारा खातीर जखमींक गोमॅकोंत धाडले. फोंडें पुलीस स्टेशनाचेे निरीक्षक तुषार लोटलीकार हांच्या मार्गदर्शना खाला अपघाताचो पंचनामो केलो. सध्या पुलीस वाहनाचो सोद घेतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
