भांगरभूंय | प्रतिनिधी
भुवनेश्वर, खबरां संस्था: ओडिशाची राजधानी भुवनेश्वरांत देशांतलें पयलें धान्य एटीएम (धान्य वितरण मशीन) लॉंच केलें. हें एटीएम भौशीक वाटप प्रणाली (PDS) च्या लावार्थ्यांक 24×7 धान्य वांट्टलें.
ओडिशाचे अन्न मंत्री कृष्ण चंद्र पात्रा हांणी ८ ऑगस्टाक भारतांतल्या संवसारीक जेवण वाटपाचे कार्यावळीचे उपसंचालक नोजोमी हाशिमोटो हांचे हाजेरींत अन्नपुर्ती A एटीएमाचें लोकार्पण केलें.
ताचें खाशेलेपण म्हणल्यार हें मशीन ५ मिनटांनी ५० किलो धान्य वांटपाक शकता. बेगीनूच ओडिशाच्या हेर जिल्ह्यांनीय अशींच एटीएमां सुरू करतले.
यंत्रांतल्यान धान्य घेवपाची प्रक्रिया सोंपी
मंत्री पात्रा हांणी सांगलें , एटीएमच्यान धान्य घेवपाची प्रक्रिया सामकी सोंपी केल्या. खंयच्याय रेशनकार्ड धारकार आपलो आधार वा रेशनकार्ड क्रमांक घालून आनी बायोमेट्रिक प्रमाणीकरणा उपरांत धान्य घेवपाक शकता. हें एटीएम तांदूळ/ गंव चोवीसूय वरां दितलें.
विजेचेर चलपी हें एटीएम दर वराक फकत ०.६ वॅट्स लायट वापरता. हें सौर पॅनलाकूय जोडपाक शकता.
ओडिशा सरकार आनी WFP चो फुडाकार
२०२१ त, ओडिशा सरकारन संवसारीक जेवण कार्यावळ (WFP) सयत कांय भागीदारी करारांचेर सय केल्ली. हातूंत धान विकतें घेवप, जेवण वांटप वेवस्था, धान्य एटीएम, स्मार्ट मोबायल स्टोरेज हांचो आसपाव आशिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
