भांगरभूंय | प्रतिनिधी
नवी दिल्ली, खबरां संस्था: नेटफ्लिक्स आपल्या प्लॅनांचें दर वाडोवपाचें आसा. हें कळटकच नेटफ्लिक्स युजर्सांक मात्सो धपको बसूं येता. कारण आतां तुमकां कंटँट पळोवपाक चड पयशे दिवचे पडटले. हे विशीं बेगीन नवो निर्णय घेवपाचें आसा. अहवालांत असो दावो केला की, ह्या म्हयन्याचे निमाणे कडेन वापरकर्त्यांक धक्को बसूं येता, कारण कंपनी आपल्या सबस्क्रिप्शन प्लॅनांची किंमत वाडोवपाची आसा.
हे संबंदी जेफरीज हे संशोधन संस्थेन अहवाल सादर केला. हाचे भायर सबस्क्रिप्शन प्लॅन म्हारग जावपाचें कारणूय स्पश्ट केलां. पयलें कारण म्हणल्यार सबस्क्रिप्शन प्लॅनाचें मोल वाडपाक बरोच तेंप जाला. जानेवारी २०२२ सावन हे येवजणेचो खर्च वाडूंक ना, पूण आतां निर्णय घेवं येता. दुसरें कारण म्हणल्यार नेटफ्लिक्साची सगळ्यांत सवाय येवजण सध्या जाहिरातीचेर आदारीत आसा. दर वाडयल्या उपरांत ताका प्राइम करतले. निमाण्या मुद्यांचेर उलयतना नेटफ्लिक्सा वरवीं लायव्ह स्पोर्ट्सचो पर्यायूय दितात आनी हाका लागून वापरकर्त्यांचो आंकडो वाडपाची अपेक्षा आसा.
फर्मान म्हणलां, नेटफ्लिक्सान फकत ऑक्टोबर २०२३त मोलादीक आनी प्रीमियम येवजण्यांच्यो किंमती वाडयल्यात. ताका लागून ह्या आराखड्याची मागणी दिसली. आतां एआरपीयू वाडोवपा खातीर नेटफ्लिक्स नव्या येवजण्यांचो विचार करपाक शकता. कारण अशें केल्यार कंपनीक फायदो जातलो. सध्या तरी नेटफ्लिक्साक जोडपाचो फटको बसत आसा.
नेटफ्लिक्सान ही नोटीस पयलींच दिल्या. कंपनीन पयलींच सांगिल्लें की बेगीनूच आपल्या प्लॅनांची किंमत वाडयतले. WWE RAW हालींच नेटफ्लिक्साचेर आयलां. आतां युजर्सांक कंटेंट खातीर चड पयशे दिवचे पडटले अशें कंपनी सांगता. पूण हे संबंदी अजून अधिकृत निवेदन दिवंक ना. एकदां प्लॅन वाडत जाल्यार ते चड म्हारग जातले. मात तुमकां जाय ते पळोवपाक मेळटले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
