भांगरभूंय | प्रतिनिधी
नवी दिल्ली, खबरां संस्था: भारतांतले जायते लोक दर दिसा रेल्वेंतल्यान प्रवास करतात. कांय जाणांक थारायल्ल्या स्टेशनाचेर पावपाक १ वर लागता, जाल्यार कांय जाणांक २ ते ३ दीस रेल्वेंतल्यान प्रवास करचो पडटा. कन्याकुमारी ते काश्मीर आनी ईशान्य भारत ते दक्षीण भारताक जोडपी गाडयांक बरोच वेळ लागता. हातूंत जायत्यो गाडयो आसात ज्यो २ ते ३ दीस प्रवास करतात. आयज आमी तुमकां सांगतले भारतीय रेल्वेच्या सगळ्यांत लांब अंतर कापपी रेल्वे विशीं. जातूंत ह्या ५ गाडयांचो आस्पाव जाता.
विवेक एक्सप्रेस
भारतांतले सगळ्यांत लांब अंतर कापून वचपी ट्रेनींत विवेक एक्सप्रेसच्या नांवाचो आसपाव जाता. ही ट्रेन आसामच्या दिब्रुगड ते तामिळनाडूंतल्या कन्याकुमारी हांकां जोडटा आनी सुमार ४,२०० किलोमिटर अंतर धांवता. ही ट्रेन सप्तकभर धांवता आनी तिका आपलो प्रवास पुराय करपाक सुमार ८० वरां लागतात. ही ट्रेन वाटेर ५० परस चड वेळ थारता. हे रेल्वेंतल्या प्रवासांत प्रवाशांक आसामच्या पांचव्याचार च्याच्या बागायतींतल्यान ते कन्याकुमारीच्या वालुकामय दर्यादेगेचो अणभव घेवपाक मेळटा.
हिमसागर एक्सप्रेस
हिमसागर एक्सप्रेस ही साप्तकी रेल्वे जी तामिळनाडूंतल्या कन्याकुमारी ते कटरा, जम्मू आनी काश्मीर मेरेन धांवता. ही रेल्वे सुमार ३,८०० किमी अंतर फाटीं घालता आनी हो सगळ्यांत लांब रेल्वे मार्ग थारता. हे ट्रेनीक तिचो प्रवास पुराय करपा खातीर सुमार ७३ वरां ५ मिनटां लागतात. हिमसागर एक्सप्रेस १२ राज्यांतल्यान वता आनी ७१ स्टेशनांचेर थारता. ताका लागून कटरा हांगचे वैष्णो देवी देवळांत वचपी प्रवाशां खातीर ही ट्रेन बरी पडटा.
दिब्रुगड एक्सप्रेस
लांब अंतराचो प्रवास करपी रेल्वे मदीं दिब्रुगड एक्स्प्रेसच्या नांवाचोय आसपाव जाता. आसामच्या न्यू तिनसुकिया हांगच्यान सुरू जावपी आनी निमाणे सुवातेर पावपी ही ट्रेन ३,५४७ किमी अंतर कापता. प्रवास पुराय करपा खातीर सुमार ६८ वरां लागतात आनी वाटेर ३५ स्टॉप आसात. दिब्रुगड एक्स्प्रेसींत प्रवास करतना प्रवासी गुवाहाटी, कोलकात्ता, बेंगळुरू, विशाखापट्टणम आनी विजयवाडो सारकिल्ल्या शारांतल्यान सैमीक सोबितकायेची खोस अणभवता.
केरळ संपर्क क्रांती एक्सप्रेस
केरळ संपर्क क्रांती एक्स्प्रेस केरळच्यान तिरुअनंतपुरमाक पंजाब कडेन ३,३९८ किमीचो अंतर जोडटा. तांच्या निमाण्या स्टॉपार पावपाक सुमार ५४ वरां आनी २५ मिनटां लागतात. प्रवाशांक भारताच्या दक्षिणे आनी उत्तरे कडले सोबितकायेचो अणभव घेवपाक मेळटा.
सिलचर सुपरफास्ट एक्सप्रेस
ही ट्रेन सिलचर, आसाम आनी सिकंदराबाद, तेलंगणा मजगती गुवाहाटी मार्गान सप्तकी धांवता. ही २,८७५ किलोमीटरचें अंतर हुपता. तशेंच, ताचो प्रवास पुराय करपाक ५४ वरां ४५ मिनिटां लागतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
