भांगरभूंय | प्रतिनिधी
संवसारीक पांवड्यार सगळ्यांत चड व्हायरल गेमींग जायरात जाल्या
पणजी :बॅटलग्रावंड्स मोबायल इंडिया (बीजीएमआय) ह्या लोकप्रिय ऑनलायन मल्टीप्लेयर गेमान मलयाळम भाशेंत पयलो जायरात फिल्म प्रदर्शीत करून एक नवो मापदंड घालून दिला. ‘संदेशम’ ह्या कल्ट क्लासिक सिनेमांतल्या आयकॉनिक “पेन्नुकनाल” दृश्याक श्रद्धांजली दिवपी ही जायरात इंटरनॅटाचेर धुमाकूळ घालता. आनी संवसारीक पांवड्यार सगळ्यांत चड व्हायरल गेमींग जायरात जाल्या.
मूळ चित्रपटाचो दिग्दर्शक सत्यन अंतिकाड हाचो पूत अनूप सत्यन हाणें दिग्दर्शीत केल्लो आनी ताचो बापूय, नामनेचो अभिनेतो श्रीनिवासन हाणें मुळांत चित्रीत केल्ल्या भुमिकेंत ध्यान श्रीनिवासनान मुखेल भुमिका केल्ली, ही जायरात फकत बारीकसाणेन मूळ संच आनी शॉट्स परतून तयार करिनासतना खास करून संदेशमाची वळख आशिल्ल्या भोवसंख्य लोकां खातीर भावनेचो एक नवो थर जोडटपी अशी केल्या. डिजिटल युगांत सिनेमाचो खीण पळोवन प्रेक्षकांकूय उमेद जाता.
क्राफ्टन इंडिया (बीजीएमआय फाटली कंपनी) खातीर मैत्री अॅडव्हर्टायझिंग, कोची हांणी तयार केल्ल्या ह्या जाहिरात चित्रपटान अचकीत लोकप्रियता मेळयल्या. 50 दशलक्षां परस चड व्ह्यूज (आनी गिन्यान) आनी सगळ्या प्लॅटफॉर्मांचेर शेंकड्यांनी हजारांनी कमेंट मेळोवपी ताची वायरलिटी गेमींग उद्देगांत बेजोड आसा. युट्युब, टेलिग्राम, व्हाट्सएप आनी वेगवेगळ्या वैयक्तीक पेजींचेर व्हड प्रमाणांत शेअर केल्ल्यान फकत इन्स्टाग्रामाचेर 300 हजारां वयर पावल्यात.
युट्युब इंडियाचेर #34 चेर ट्रेंड करपी हे जायरातीन केरळांतल्या लक्ष्य प्रेक्षकांक फकत भुरळ घातलीच पूण राष्ट्रीय आनी आंतरराष्ट्रीय प्रेक्षकांक ताच्या सांस्कृतीक श्रद्धांजलीन कुतूहल निर्माण केलें.
आमी स्क्रिप्ट वाचली तेन्ना आमकां कळ्ळें की ती एक झटपट क्लासिक आसतली. कोट्टापल्ली प्रभाकरन 2.0 आवडपी केरळांतल्या आमच्या इश्टां कडल्यान मेळिल्ल्या अविश्वसनीय मोगाक लागून आमचे फोन वाजत आसात.
ही जायरात न्हय, तर सांस्कृतीक खीण. आमकां खबर आशिल्लें की प्रेक्षक सामके डायल-इन आसात, देखून आमी बीजीएमआय संदर्भांनी भरिल्लो चित्रपट भरलो जो रसिकांक आवडटलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
