भांगरभूंय | प्रतिनिधी
भारत सरकारान 4 पत्रां बरयलीं तरीय चार डबे परतून दिवंक नात
अमृतसर, खबरां संस्था ः भारताच्या अटारी, पाकिस्तानाच्या वाघा रेल्वेमार्गा मदीं चलपी समझौता एक्सप्रेसाचे 11 डबे अजून वाघातल्यांन परतून हाडूंक नात. काश्मीरांत कलम 370 रद्द जाले उपरांत 5 वर्सां आदीं ही ट्रेन बंद केल्ली. ती परत धाडपाची जापसालदारकी पाकिस्तानाची आसा. हे संबंदीं भारताच्या परराश्ट्र मंत्रालयान पाकिस्तानाकडेन चार फावटीं पत्रवेव्हार केला. पूण आयज लेगीत हे डबे भारता पसून फकत 500 मीटर अंतराचेर आशिल्ल्या वाघा स्टेशनाचेर उबे आसात.
ट्रेन पाकिस्तानी इंजिन आनी भारतीय डब्यां सयत शिम हुंपता म्हणसर ही गाडी रद्द जाली. जम्मू- काश्मीरांतल्यान कलम 370 रद्द केलो तेन्ना पाकिस्तानान विरोध म्हणून समझौता एक्सप्रेस बंद केली. 8 ऑगस्ट 2019 दिसा ट्रेनीन पाकिस्तानी इंजिन आनी भारतीय डब्यां सयत शिमा हुंपली तेन्ना शेजाऱ्यान ट्रेन रद्द केली आनी सगले 11 डबे थंयच उरले. ही एक्सप्रेस दोनूय देशांतल्या लोकां मदीं समेटाचें साधन आशिल्ली. हाका लागून तिका ‘शांती का संदेश’ आनी ‘मोहब्बत की ट्रेन’ अशेंय म्हण्टाले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
