भांगरभूंय | प्रतिनिधी
नुवाकोट, खबरां संस्था: नेपाळांतल्या नुवाकोट शारांत हेलिकॉप्टर कोसळिल्ल्यान तातूंतल्या पांचूय प्रवाशांक मरण आयलें. रसुवाला शारांत वतना हो अपघात जालो. हातूंत चार चिनी नागरीक आशिल्ले. हालींच २४ जुलयाक नेपाळांतल्या त्रिभुवन आंतरराष्ट्रीय विमानतळार जाल्ल्या विमान अपघातांत १८ जाणांक मरण आयिल्लें. ते उपरांत हेलिकॉप्टराचो आनीक एक अपघात जालो. घडणुकेच्या थळार मजतीचें काम सुरू आसा.
मेळिल्ले म्हायती प्रमाण, शिवपुरी राष्ट्रीय उद्यानांत हें हेलिकॉप्टर कोसळ्ळें. एअर डायनेस्टीचें हें हेलिकॉप्टर आशिल्लें. कॅप्टन अरुण मल्ला हे हेलिकॉप्टर चलयताले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
