भांगरभूंय | प्रतिनिधी
फोंडें, प्रतिनिधी : काजीवाडो- फोंडेंच्या सत्यम फॅमिली शॉपी ह्या कपड्यांच्या दुकानाक बुधवारा सकाळीं उजो लागलो. फोंडें उजो पालोवपी दळाच्या कर्मचार्यांनी घडणुके सुवातेर पावून उज्याचेर नियंत्रण हाडलें. ह्या उज्यांत सुमार ५० लाखां परस चड सामानाचें लुकसाण जाल्ल्याचो अदमास उक्तायला. दुकानांत फाटले वटेन आशिल्ल्या इन्वर्टराक लागून उजो लागिल्ल्याचो दुबाव आसा.
ह्या उज्यांत चडशे कपडे जळून गेले. जाल्यार फर्निचराचें लुकसाण जालां. उजो पालोवपी दळाच्या कर्मचार्यांनी उजो पालयिल्ल्यान हेर दुकानांक निर्माण जाल्लो धोको गेलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
