भांगरभूंय | प्रतिनिधी
पॅरीस, खबरां संस्था: पॅरिस ऑलिंम्पीकांत भारताक चवथें पदक निश्चीत आसतनाच एक धक्को दिवपी गजाल मुखार आयली. कुस्तींत बायलांच्या ५० किलो वजनी गटांत कुस्तीपटू विनेश फोगट हिका ऑलिंम्पीक सर्तींतल्यान अपात्र थारायल्या. ह्या निर्णया फाटलें कारण म्हळ्यार ५० किलो वजन गटाच्या भांगरा पदकाचे मॅची पयलीं तिचें वजन वाडिल्लें. ताका लागून तिला अपात्र थारायली आनी हे विशींची अधिकृत घोशणाय केली.
कुस्तीपटूचें वजन मर्यादे परस सुमार १०० ग्रॅम चड आसा, जाका लागून तिका अपात्र थारायलें. सर्तीच्या नेमां प्रमाण, विनेश रुप्या पदकाकूय पात्र जावची ना.
विनेशान मंगळारा जावपी झुजा खातीर वजन केल्लें. नेमां प्रमाण सर्तीच्या दोनूय दीस कुस्ती पटूंक तांच्या वजन श्रेणीत रावचें पडटा. निमाणे फेरयेंत पाविल्ले विनेशाचें वजन मंगळारा रातीं सुमार २ किलो चड आशिल्लें. ती रातभर न्हिदूंक नाशिल्ली आनी निकश पुराय करपाक तिणें जॉगिंग पसून स्किपींग आनी सायकलिंग मेरेन सगळे तरेचे यत्न केले. तरीय विनेश हिका अपात्र थारयलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
