भांगरभूंय | प्रतिनिधी
मडगांव, प्रतिनिधी ः माजोड्ड्यां पंचायत वाठारांतलीं धोक्याची झाडां कापतना व्हड खांदो पडून दोन कामगार जखमी जाले. तातूंतल्या रमेश केरकट्टा (18, रा. लोटली, मुळ झारखंड) हाका मरण आयलें. जाल्यार दुसऱ्याचेर हॉस्पिटलांत उपचार सुरू आसात.
माजोड्ड्यां कलाटा उतोड्डा ग्राम पंचायत वाठारांत रस्त्या कुशीकच्या झाडांचे खांदे कापपाचें काम सध्या चालू आसा. हें काम करतना खांदो मोडून सकयल उबे आशिल्ल्या दोग कामगारांचेर पडलो. मास्टर शेफ बेकरी लागसार ही घडणूक घडली.
झाडांच्यो खांदयो कापतना त्यो कुशीक काडपाचें काम चालू आशिल्लें. त्याच वेळार झाडाचो एक व्हडलो खांदो मोडून रमेश केरकट्टा आनी एका कामगाराचेर पडलो. रमेशाचे तकलेक मार लागलो. थंयच ताका मरण आयलें.
कोलवें पुलिसांनी घडणुक सुवातेर वचून पंचनामो केलो. कुड दक्षीण गोंय जिल्हो हॉस्पिटलांत दवरल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
