भांगरभूंय | प्रतिनिधी
पाटणा, खबरां संस्था ः बिहारांतल्या वैशाली जिल्ह्यांतल्या सुलतानपूर गांवांत कावड यात्रे वेळार डीजेच्या तालार नाचतना ११ हजार केव्ही हायव्होल्टेज वीज सरयांच्या संपर्कांत आयिल्ल्यान 8 यात्रेकरूंक मरण आयलें. 6 जाण जखमी जाल्यात. हे सगळे जाण उदकाचो अभिशेक करपाक हरिहरनाथ देवळांत वताले.
पुलीस उपअधीक्षक ओम प्रकाश हांणी दिल्ले म्हायती प्रमाण, मरण आयिल्ले सगले सुलतानपूर गांवांतले. श्रावण म्हयन्यांतल्या दर आयतारा भावीक जल अर्पण करपाक वतात. 4 ऑगस्टाक ते घरांतल्यान भायर सरले आनी रातच्या 12 वरांचेर पहेलजा घांटातल्यान गंगाजल भरुन हरिहरनाथ देवळांत जलाभिषेक करपाक वतना ही दुर्घटना घडली.
घडणुके उपरांत वीज कार्यालयाक रोखडोच फोन केलो, पूण कोणेच फोन उखललो ना असो आरोप थळाव्या लोकांनी केला. पुलिसांनी सगळ्यो कुडी ताब्यांत घेवन पोस्टमार्टमा खातीर हॉस्पिटलांत धाडल्यात. ह्या घडणुकेची फुडली चवकशी सुरु आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
