भांगरभूंय | प्रतिनिधी
भारताचो स्वातंत्र्य दीस मनोवपा खातीर ऍमेझॉनान एक सप्तक आदीं ‘ग्रेट फ्रीडम फेस्टिवल सेल’ची (Amazon’s Great Freedom Festival) घोशणा केल्या. हो ग्रेट फ्रीडम फेस्टिवल सेल 6 ते 15 ऑगस्ट मेरेन अमेझॉनाचेर लायव्ह आसतलो. ह्या सेलांत गिरायकांक लॅपटॉप, स्मार्टवॉच, हेडफोन अशा हेर इलॅक्ट्रॉनिक्स उत्पादनांचेर 75 टक्क्यां मेरेन सवलत मेळटली. तेच प्रमाण वॉशिंग मशीन, रेफ्रिजरेटर सारकिल्या उत्पादनांचेर 65 टक्क्यां मेरेन सवलत मेळटली.
पोको, सॅमसंग, वनप्लस, एचपी, बोट, सोनी, एलजी, फायर टीव्ही स्टिक आनी प्ले स्टेशन सारकिल्ल्यो टॉप कंपनीं ह्या सोंलांत वांटो घेतली. एसबीआय कार्डाच्या गिरायकांक ह्या ऑफराचेर ईएमआय आनी बिगर ईएमआय दोनूय वेव्हारांचेर 10 टक्के सवलत मेळूं येता.
टॉप डील्स
ऍमेझॉन येवपी ग्रेट फ्रीडम फेस्टिवल सेलांतली कांय स्मार्टफोनांच्या मॉडेल नांवांची वळेरी पयलींच जाहीर केल्ली. तातूंत आयफोन 13, वनप्लस 12आर, गॅलेक्सी एस 24, मोटो राझर 50 अल्ट्रा, लावा ब्लेझ एक्स आदी स्मार्टफोनांचो आस्पाव आसा.
ऍमेझॉनाच्या ह्या सोलांत 128 जीबी स्टोरेज वेरिएंट आशिल्लो आयफोन 13 47,999 रुपयांक मेळटलो आनी वनप्लस 12आर स्मार्टफोनय सगळ्या ऑफरां सयत 40,999 रुपयांक मेळटलो. सॅमसंग गॅलेक्सी एस 24 5जी सारकिल्ले फोन 74,999 रुपयांच्या पोस्ट-बँक ऑफराचेर विकतले आनी नवीन मोटोरोला राझर 50 अल्ट्राय विक्री खातीर उपलब्ध आसतलो. परवडपी, फोल्डेबल स्मार्टफोन सोदपी गिरायक राझर 40 सारकिल्या उपकरणांचो विचार करूंक शकतात, जाची किंमत 34,999 रुपया आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
