भांगरभूंय | प्रतिनिधी
वास्को : गोंयांत अपघातांचो आंकडो वाडतूच आसा. दर दिसा कोणाक ना कोणाक अपघात जाता. हातूंत कांय जाण आपलो जीव वगडायतात जाल्यार कांय जाण जखमी जातात. हें अपघातांचें सत्र चालूच आसतना शेनवारा रातीं शांतीनगर – वास्को गाडयेचो स्वयं अपघात घडलो. हातूंत एकल्याक मरण आयलें जाल्यार दोग जाण जखमी जाले.
मेळिल्ले म्हायती प्रमाण सुझुकी स्विफ्ट जीए ०१ ई ६३९८ हे चारचाकीन हे तिगूय इश्ट मांगोर हांगच्यान विमानतळाच्या दिकेन प्रवास करताले. मजगतीं शांतीनगर पावतांच चालकाचें गाडयेवेलें नियंत्रण सुटिल्ल्यान गाडी रस्त्या कुशीक वचून उंचायेवयल्यान सकयल पडली.
ह्या अपघातांत संज्योत संजय बोरकार (१९), चालक डेव्हिड क्रुझ (२०), सहर्ष भोसले (२४) हे तिगूय गंभीर जखमी जाले. तांकां पयलीं चिखलेच्या जिल्लो हॉस्पिटलांत दाखल केले आनी थंयच्यान फुडल्या उपचारा खातीर गोमॅकोंत धाडले. उपचारा मजगतीं संज्योत संजय बोरकार (१९) हाका मरण आयलें. जाल्यार हेर दोग जाण उपचार घेतात. हे विशीं पुलीस फुडलो तपास करतात.ं
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
