भांगरभूंय | प्रतिनिधी
टमाट पावलो 60 वयल्यान 40 चेर
भांगरभूंय । प्रतिनिधी
पणजीः फाटल्या सप्तकाचे तुळेंत शेनवारा पणजी बाजारांतल्यो भाजयो मातश्यो सवाय जाल्यो. टमाटां 20 रुपयांनी देंवून 40 रुपया कील जाले. कांदो आनी बटाट 50 रुपया कील आशिल्ले. जाल्यार वालपापडी सवाय जावन 90 रुपया कील मेळटाली. म्हास्काच्यो सांगो 200 रुपया, मटार 160 रुपया कील आशिल्ले.
शेनवारा पणजी बाजारांत मिरसांग परतून म्हारग जावन 100 रुपया कील जाली. दुदी 20 रुपयांनी म्हारग जावन 60 चेर पावलो. वांयगीं 60 रुपया कील, तवशी 40 रुपया कील, दोडगीं सवाय जावन 60 रुपया कील विकताले. आलें 200 जाल्या लसूण 320 रुपया कील आशिल्ली. कोबी आनी फ्लॉवराचो एक नग दरेकी 40 रुपया जाल्लो. शाकभाजयो मात फाटल्या सप्तकाच्याच दरान विकताले. मेथी 20 रुपया, शेपू 20 रुपया, तांबडी भाजी 15 रुपया, पालक आनी कांद्याची पात 10 रुपया जुडी ह्या दरान मेळटाली. शेनवारा फलोत्पादन मंडळाच्या गाड्यांचेर बटाट 42 रुपया, कांदो 41 रुपया, टमाट 28 रुपया, वालपापडी 73 रुपया, मिरसांग 50 रुपया, भेंडो 52 रुपया, गाजर 41 रुपया जाल्या कोबी 40 रुपया दरान विकताले. फ्लॉवराचो एक नग 40 रुपयांक मेळटालो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
