सरकारी बँकांनी नोकरेची संद: प्रोबेशनरी ऑफिसर्स, मॅनेजमेंट ट्रेनी खातीर पदां जाहीर

भांगरभूंय | प्रतिनिधी

पणजी ः देशांतल्या जायत्या बँकांनी पीओ पदाचेर भरती प्रक्रिया सुरू केल्या. Institute of Banking Personnel Selection (IBPS) हांणी प्रोबेशनरी ऑफिसर्स/मॅनेजमेंट ट्रेनी (CRP PO/MT) खातीर रितीं पदां जाहीर केल्यांत. ह्या पदां खातीर अर्ज करपाक सोदपी उमेदवार IBPS च्या अधिकृत संकेतथळाक भेट दिवन https://www.ibps.in/ अर्ज करपाक शकतात. ह्या पदां खातीर अर्ज करपाची प्रक्रिया काल सावन म्हळ्यार 1 ऑगस्ट सावन सुरू जाल्या.
IBPS PO भरती प्रक्रियेंत वट्ट 4455 पदांची भरती जातली. ह्या पदां खातीर अर्ज करपाक इत्सूक आशिल्ल्या उमेदवारांनी 21 ऑगस्ट वा ताचे आदीं अर्ज करप गरजेचें.

ह्या बँकांनी भरती प्रक्रिया सुरु-
*बँक ऑफ बडोदा
*बँक ऑफ इंडिया
*बँक ऑफ महाराष्ट्र
*सेंट्रल बँक ऑफ इंडिया
*कॅनरा बँक
*इंडियन बँक
*इंडियन ओव्हरसीज बँक
*पंजाब नॅशनल बँक
*पंजाब आणि सिंध बँक
*युको बँक
*युनियन बँक ऑफ इंडिया

गरजेची पिराय मर्यादा
ह्या पदां खातीर अर्ज करपी उमेदवारांची पिराय मर्यादा 20 ते 30 वर्सां मदीं आसपाक जाय. हाचो अर्थ उमेदवार 2 ऑगस्ट 1994 आनी 1 ऑगस्ट 2004 मदीं जल्मल्ले आसूंक जाय. राखीव वर्गांतल्या उमेदवारांक वयले पिरायेचे मर्यादेंत सुट दिल्या.

अर्ज करपाची पात्रताय
-ह्या पदां खातीर अर्ज करपी खंयच्याय उमेदवाराकडेन खंयच्याय मान्यताय मेळिल्ल्या विद्यापिठाची वा संस्थेची खंयच्याय विशयांतली पदवी आसपाक जाय.
-SC/ST/PWBD श्रेणींतल्या उमेदवारांक अर्ज शुल्क 175 रुपया (जीएसटी सयत) जाल्यार हेर सगळ्यां खातीर अर्ज शुल्क 850 रुपया (जीएसटी सयत) आसा.

परिक्षेचें एकंदरीत स्वरूप अशें आसतलें…
*प्रीलिम्स
-इंग्लीश भास: 30 प्रस्न, 30 गूण, 20 मिनटां
-क्वांटिटेटिव अँप्टीट्यूड : 35 प्रस्न, 35 गूण, 20 मिनटां
-रीजनिंग एबिलिटी: 35 प्रस्न, 35 गूण, 20 मिनटां

*मुखेल वा मेन्स परिक्षा
-रीजनिंग एंड कंप्यूटर अँप्टीट्यूड : 45 प्रस्न, 60 गूण, 60 मिनटां
-सामान्य/अर्थशास्त्र/बँकिंग जागृताय: 40 प्रस्न, 40 गूण, 35 मिनटां
-इंग्लीश भास: 35 प्रस्न, 40 गूण, 40 मिनटां
-डेटा एनालिसिस आणि इंटरप्रिटेशन: 35 प्रस्न, 60 गूण, 45 मिनटां
-लेखन आनी निबंद: 2 प्रस्न, 25 गूण, 30 मिनटां