भांगरभूंय | प्रतिनिधी
वॉशिंगटन, खबरां संस्था: संवसारभर एच.आय.वी.च्या दुयेंती खातीर म्हत्वाची खबर आसा. वर्साक दोन फावट हें इंजेक्शन घेतल्यार हे दुयेंती वाटवतले अशें म्हण्टात. संशोधकांनी बायलांचेर प्रयोग केल्यात. हे संबंदीचें संशोधन न्यू इंग्लंड जर्नल ऑफ मेडिसिनांत उजवाडाक आयलां. संशोधकांनी एड्सा आड हें वखद सोदून काडलां आनी वर्साक इंजेक्शना वरवीं दोन डोस दिल्या उपरांत एच.आय.वी.चो तांच्या भलायकेचेर कसलोच वायट परिणाम जावंक ना. वर्साक दोन फावटीं घेवपी ह्या व्हॅक्सीनाचें नांव लेनकापावीर अशें आसा. अमेरिकेंतल्या बायोफार्मास्युटिकल कंपनी जीलेड सायसेन्स हांचे वतीन प्री-एक्सपोझर प्रोफिलॅक्सिस मेडिसीन म्हणून ह्या वखदाक विकसीत केलां. हें वखद एचआयव्ही नाशिल्ले व्यक्तीच्या संपर्कांत येवंक नाशिल्ले व्यक्तींत संक्रमण आडावपाचें काम करता.
दक्षीण आफ्रिका आनी युगांडातल्यान नेण्ट्यो चलयो आनी तरणाट्या बायलांचो ही लस घेवपा खातीर आसपाव केलो. जांकां आपल्या पार्टनरां कडल्यान ह्या दुयेंसाचो धोको आसा तांचेर लेगीत ह्या वखदाचो बरो परिणाम जातलो, अशें म्हणटात. एचआयव्ही वा ह्युमन इम्युनोडेफिशियन्सी व्हायरस हो संक्रमीत व्यक्तीच्या शरीरांतल्यान येवपी स्रावा वरवीं दुसर्याच्या शरीरांत वता. हाचेर वेळार उपचार जावंक ना जाल्यार हो संसर्ग एड्सांत परिवर्तीत जावपाक शकता वा वर्सान वर्स इम्युनोडेफिशियन्सी सिंड्रोम अवस्थेक निर्माण करपाक शकता.
असो जालो अभ्यास
चाचणेंत एचआयव्ही नेगेटिव्ह आशिल्ल्या ५,३३८ उमेदवारांचो हातूंत आसपाव केलो. तांचे तीन पंगड केले. हातूंतल्या पयल्या २,१३४ जाणांच्या पंगडा २६ सप्तकांच्या अंतरा उपरांत लेनकापाविर इंजेक्शन दिलें. दुसर्या २,१३६ जाणांक रोज डेस्कोवी (एफ/टीएएफ) गुळी दिली. तिसर्या पंगडांतल्या १,०६८ जाणांक दर दिसा ट्रुवाडा (एफ/टीडीएफ) ही गुळी दिली. दक्षिण अफ्रीकेच्या केपटावन यूनिव्हर्सिटीच्या डेसमंड टूटू एचआयवी सेंटर हांच्या सहकार्यान संशोधकांनी केल्ल्या संशोधकांक वट्ट ५५ संक्रमीत मेळ्ळे. लेनकापाविर दिल्ल्या गटांत शुन्य संग्रह, डेसोवी गटांत ३९ आनी ट्रुवाडा गटांच १६ संक्रमण मेळ्ळे. ह्या अभ्यासांतल्यान वर्सांतल्यान दोन फावटीं लेनकापाविर इंजेक्शन घेवपी व्यक्तीक कसलेंच एचआयव्ही संक्रमण जावंक ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
