भांगरभूंय | प्रतिनिधी
नवी दिल्ली, खबरां संस्था ः सेक्सटॉर्शन हो एक सायबर गुन्यांव. सध्याच्या इंटरनॅट युगात आमी सहजपणान अनोळखी मनशा कडेन उलोवपाक लागतात. सोशल मीडिया वरवीं इश्टागत जाता चॅट सुरू जाता. मागीर ल्हवू ल्हवू कॉल, मागीर व्हिडियो कॉल सुरू जातात.
हे संबंदीत टेक कंपनी मेटान बुधवारा एक निर्णय घेतलो आनी 63 हजार इंस्टाग्राम अकाउंट मेटान बंद केल्यात. आफ्रिकेंतल्या नायजेरिया देशांत चालू आशिल्ल्या भानगडी संबंदीत हें प्रकरण आसा. देखून अस्तंत आफ्रिकन देशांतल्या अधिकाऱ्यांनी मेटा कंपनीक 220 डॉलर दंडय घाला.
मेटा कंपनीन बंद केल्ल्या इंस्टाग्राम अकाउंटांत 2500 प्रोफायल आनी 20 लोकांच्या गटाचो आस्पाव आसा. सुमार 1300 फेसबूक अकाउंट, 200 फेसबूक पेजी आनी 5700 फेसबूक ग्रुप्स काडून उडयल्यात. हो गट व्यक्तींक अश्लील फोटो धाडपाक धमकी दितालो, उपरांत पयशे मागतालो आनी पयशे दिवंक ना जाल्यार फोटो व्हयर करपाचें कट रचतालो.
नव्या खाशेलपणाचेर काम सुरु…
वाडत वचपी गुन्यांवांक आडावपा खातीर मेटा कंपनीन एप्रीलांत जाहीर केल्लें की किशोरवयीन भुरग्यांची राखण करपा खातीर एआय जनरेटेड ‘न्यूड प्रोटेक्शन’ खाशेलपणाची चांचणी करता. हें खाशेलपण इंस्टाग्रामाचेर किशोरवयीन भुरग्यांक अशा गुन्यांवा पासून राखण दिवपाचें काम करता. अशे गुन्यांव आडावपा खातीर मेटा कायद्याची अंमलबजावणी करपी एजन्सी वांगडा वावुरता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
