भांगरभूंय | प्रतिनिधी
पंजाब आनी हरियाणा उच्च न्यायालयाचें निरीक्षण
चंडिगढ, खबरां संस्था: लग्ना बगर जोडिदारा वांगडा ‘लिव्ह ईन रिलेशनशीप’त रावपाक संरक्षण दिवप म्हळ्यार ‘चुकिच्या लोकांक’ आनी ‘दोन लग्नां’चे प्रथेक उर्बा दिवप, अशें निरीक्षण पंजाब आनी हरियाणा उच्च न्यायालयान नोंद केलां. ४० वर्सां पिरायेची बायल आनी ४४ वर्सां पिरायेच्या दादल्यान तांच्या कुटुंबीयां कडल्यान मेळपी धमक्यांक लागून संरक्षणाची मागणी केली केल्ली. ताचेर न्यायालयान हें निरीक्षण नोंद केलां.
दादलो आनी बायल लग्न जाल्यांत आनी तांकां दोगांयकूय भुरगीं आसात. तीं सध्या वांगडा (लिव्ह ईन रिलेशनशीप) रावतात. बायलेन आपल्या घोवा कडल्यान घटस्फोट घेतला. याचिकाकर्त्यांना खबर आशिल्लें तांचें लग्न जालां आनी तीं ‘लिव्ह-इन रिलेशनशीप’त येवपाक शकनात म्हणून. दादलो याचिकाकर्त्यान ताचे आदले बायले कडल्यान घटस्फोट घेवंक ना. ताका लागून सगळे ‘लिव्ह-इन’चे संबंद लग्नाच्या स्वरुपांतले संबंद नासतात, अशें निरीक्षण न्यायालयान नोंद केलां.
अशे तरेच्या याचिकांक परवानगी दिवन आमी चुकीच्या लोकांक उर्बा दितात आनी खंयतरी दुसर्या लग्ना खातीरूय फाटबळ दितात. जें कलम ४९४, भारतीय न्याय संहिता खाला आनी कलम २१ खाला घोव/बायल आनी भुरग्यांच्या मानान जगपाचे अधिकार मोडपी आसा. याचिकाकर्ते तांच्या घरांतल्यान पळून वचून फकत कुटुंबांचें नांव पिड्ड्यार करिना, जाल्यार तांचे मानान आनी प्रतिश्ठेन जगपाचे अधिकारूय काडून घेतात, अशें न्यायालयान म्हणलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
