भांगरभूंय | प्रतिनिधी
पेडणें पुलिसांनी घेतिल्ले देवूळ समितीचे बसकेंत निर्णय
पेडणें, प्रतिनिधी ः पेडणें पुलिसांनी देवळांत जावपी चोरयो आनी हेर गैरप्रकार आडावपाक आनी ताचेर अपडेट आनी सुचोवण्यो प्रसारीत करपा खातीर समितीच्या वांगड्यांचो व्हॉट्सअॅप ग्रुप तयार केलो. पेडणें पुलिसांनी घेतिल्ले देवूळ समितीचे बसकेंत हो निर्णय घेतलो.
एसडीपीओ पेडणेंच्या सुचोवण्यां प्रमाण पेडणें पुलिसांनी दरेका देवळांत रजिस्टर दवरल्यात. आनी पेट्रोलिंग कर्मचारी देवळांत वचून त्या रजिस्टराचेर सय करतले.
दर दिसा सकाळीं रजिस्टर तपासचो आनी गस्त घालपी पुलीस कर्मचाऱ्यांची कसलीच मार्क वा प्रवेश नासल्यार व्हॉट्सअॅप ग्रुपाचेर तें धाडचें अशीं विनंती समितीच्या वांगड्यांक केली. जेणे करून कर्मचारी देवळाक भेट दिनात हाची म्हायती वरिश्ठांक मेळटली.
देवळांत गस्त घालप चोरयो आडावपाक मजत करतलेंच तेच बरोबर तें वाठारांत पुलिसांची उपस्थिती तिगोवन दवरपाक आनी हेर अप्रिय घडणुको आडावपाकय मजत करतले.
कांय समितीच्या वांगड्यांनी निर्जन वाठारांत बसपी लोकांचो प्रस्न मांडलो. तांकां लागून धोको निर्माण जाव येता. गस्त घालून हो धोको उणो जावं शकता, अशें तांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.