ऑस्ट्रेलियांत 55 वर्सां उपरांत सांपडले तारवाचे अवशेश
भांगरभूंय | प्रतिनिधी
सिडनी, खबरां संस्था ः ऑस्ट्रेलियान 55 वर्सां उपरांत 21 जाणांक मरण आयिल्ली एमव्ही नुंगा बोट सोदून काडली. बीबीसीच्या मतान, ही बोट न्यू सावथ वेल्सांतल्यान 23 ऑगस्ट 1969 दिसा टाउन्सव्हिलाक वताली. ताका सुमार 1300 किमी अंतर पार करपाक जाय आशिल्लें. स्टीलान भरिल्लें कंटेनर घेवन वचपी हे बोटीचेर 52 लोक आशिल्ले. 25 ऑगस्ट मेरेन धोक्याच्या वादळाचो सामनो करुन ती 315 किलोमीटर फुडें गेली. ताची गती वराक 110 किलोमीटर परस चड आशिल्ली, जी नियंत्रणांत येवंक ना आनी बोट बुडली.
बुडले उपरांत ऑस्ट्रेलियन लश्करांनी इतिहासांतलो सगळ्यांत व्हडलो दर्यावेलो सोद सुरू केलो. लश्करांनी विमानां, हेलिकॉप्टर आनी तारवां घेवन एमव्ही नूंगाचो सोद घेवपाक गेले. कांय वरां भितर बोट मेळ्ळी आनी 5 क्रू वांगड्या सयत 26 जाणांक सोडयले.
लोकां खातीर एक गुपीत
बोट बुडले उपरांत 12 वरांनी ऑस्ट्रेलियन सैन्याक ते लोक लाकडाचेर उफेतना दिसले. तेन्ना सावन ही बोट एक गुपित उरल्या. फाटल्या म्हयन्यांत कॉमनवेल्थ सायंटिफिक अँड इंडस्ट्रियल रिसर्च ऑर्गनायझेशनाच्या (CSIRO) शास्त्रज्ञांनी ह्या तारवाचो सोद सुरू केलो. ते खातीर हायटेक बोट त्या जाग्यार धाडली.
शास्त्रज्ञांच्या मतान, तांकां धर्तरेच्या पृश्ठ वाठारा सावन 170 मीटर सकयल ह्या तारवाचे अवशेश सांपडले. ह्या तारवाची रचना आनी आकार एमव्ही नूंगा ह्या तारवा कडेन जुळटा. आतां सिडनी प्रकल्पा खाला ह्या तारवाची तपासणी करतले. ह्या प्रकल्पा खाला ती बोट बुडपाचे नेमके कारण सोदून काडटले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
