भांगरभूंय | प्रतिनिधी
नवी दिल्ली, खबरां संस्था ः सर्वोच्च न्यायालयान बिरेस्तारा (25 जुलय) खनिजांचेर करा संबंदी इतिहासीक निर्णय दिलो. सर्वोच्च न्यायालयान हे संबंदी आदलो आदेश रद्द करून राज्यांक खनिजांचेर आनी खणकामाच्या वावराचेर खनिज कर लावपाचो अधिकार दिलो. मुखेल न्यायाधीश डी.वाय. चंद्रचूड हांच्या फुडारपणा खाला णव न्यायाधीशांच्या खंडपिठान 8:1 च्या भोवमतान हो निकाल दिलो. ह्या निर्णयाप्रमाण ‘रॉयल्टी’ हो ‘कर’ मानचे नात. हाका लागून राज्यांक जमनीचेर आशिल्ल्या खनिजांचेर कर लावपाचो अधिकार मेळटलो.
रॉयल्टी हो कर न्हय
खनिज अधिकारांचेर कर लावपाचो संसदेक कसलोच अधिकार ना अशें मुखेल न्यायाधीश चंद्रचूड हांणी म्हणलें. फकत राज्यांक हो अधिकार आसा. तशेंच ‘रॉयल्टी’ हो ‘कर’ मानचें नात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
