भांगरभूंय | प्रतिनिधी
हाॅलो… मामा! हांव उलयता!! हय वय… कित्याक जाणा?? तें थंय येवपाक पळयता. आनीक कोण? मस्तें मनींस… हयऽऽ हांवें आयकलां!! ना नां हांवें सारकें म्हज्या कानांनी आयकलां, चंद्रारूच वचपाच्यो गजाली करतालें तें. हय डायरेक्ट चंद्रार खंय!! कित्याक तर हांगा धर्तरेर सगल्या रस्त्यांक फोंडकुलां पडल्यांत न्हय! देखून, हय वय मामा… पूण तुमी तांकां चंद्रार घेवनाका आं! धड न्हय तें मनीस!! केन्ना कितें करीत तो नेम ना. आयलें जाल्यार सोमतेच परत्या पांयांनी धांवडावन घाल…. मनीस ते कितें करीत तें सांगू नजो. तुमची दिशा बी बद्दल्ली जाल्यार, वाट लागतली सारकी धर्तरेची.
…हांगा भ्रश्टाचार खूब वाडला देखून आतां ते डायरेक्ट चंद्रार येवपाच्यो माण्ण्यो करता. भ्रश्टाचार करपाक आनीक कित्याक? हय तर…! सामकें भयानक, आं ते. कोणाकूच आयकना, आख्ख्या संवसाराक गुटलावन दवरला ताणें… हय चंद्र मामा…! लाखांनी, करोडांनी लुटमार केल्या तांणी. ह्या भ्रश्टाचाराचो आतंक वाडतूच आसा..! आनीक, अजून तांकां आडावपाक सरकारा कडेन अचूक अशें शस्त्र ना. नाऽऽ ना मामा! उपाय आसा तांकां जाग्यार हाडपाचो, पूण उपाय करपीच तातूंत घुस्पल्लें आसता जाल्यार..? आपल्याक जाय तशें वागतात आनी ताचे परिणाम दुसर्यांक भोगचे पडटात…! हय देखून तें येवपाक सोदतात थंय, पूण तुमी तांकां थंय चंद्रार कशेच घेवंनाकात आं… बरें मामा दवरतां फोन…!
– अविनाश कुंकळकार.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
