गोरवांच्या दोतोरांचो उणाव

भांगरभूंय | प्रतिनिधी

दोतोर आनी सहाय्यकांचीं 45 पदां रितीं

भांगरभूंय । प्रतिनिधी

पणजीः सरकारी हॉस्पिटलां आनी भलायकी केंद्रांनी दुयेंतींचेर उपचार करपी दोतोरांचो उणाव आसतानाच गोरवांच्या हॉस्पिटलांनींय दोतोरांचो उणाव आसा. गोरवांच्या हॉस्पिटलांनी (वेटनरी हॉस्पिटल) दोतोर आनी सहाय्यकांचीं 45 पदां रितीं आसात.

आमदार क्रूज सिल्वा हांच्या अतारांकीत प्रस्नाक गोरवां सांबाळ मंत्री नीळकंठ हळर्णकार हांणी ही लेखी जाप दिल्या. गोरवां सांबाळ खात्यांत दोतोर/ अधिकारी हांचीं 56 पदां आसात. तातूंतलीं 21 पदां रितीं आसात. सहाय्यकांचीं 146 पदां आसात. तातूंतलीं 24 पदां रितीं आसात.

टोंक- करंजाळेच्या हॉस्पिटलांत दोतोर आनी सहाय्यक मेळून 8 अधिकारी/ कर्मचारी आसात. तशेंच पोरणें गोंय, गोवा वेल्हा आनी चोडणां दरेकी 1 साहाय्यक आसा.

म्हापशें वेटरनरी हॉस्पिटलांत दोतोर आनी साहाय्यक मेळून 12 कर्मचारी आसात. तशेंच हळदोणेंच्या उपकेंद्रांत 1 सहाय्यक आसा. होंडा- सत्तरी हॉस्पिटलांत दोतोर आनी सहाय्यक 4 आसात. तशेंच केरी, रावण, पर्यें, सुर्ला उपकेंद्रांत दरेकी 1 सहाय्यक आसा. कुर्टी- फोंडें हॉस्पिटलांत दोतोर आनी सहाय्यक 6 जाण आसात. तशेंच निरंकाल, कवळें, प्रियोळ आनी कुंडय उपकेंद्रांत दरेकी 1 सहाय्यक आसा. सोनसडो- राय हॉस्पिटलांत 9, दिवचल हॉस्पटलांत 5 दोतोर/ सहाय्यक आसात.

हे भायर गोरवांचेर उपचार करपा खातीर डिस्पेन्सरी आसात. दिवचल डिस्पेन्सरींत 5, साळांत 3, पिर्णा 3, पेडण्यां 3, सावयवेर्‍यां 2, चांदेल 3, कळंगूटे 3, मांद्रें 3, शिवोले 3, गवाणे 3, उजगांव 5, शिरोडें 3, वाळपय 5, मोलें 3, धारबांदोडें 4, सांगें 4, वास्को 4, नावेली 2, कुंकळ्ळें 4, केपें 4, माजोड्डें 3, वार्का 3, काणकोण 4, पैंगीण 2, नेत्रावळी 3, कुर्टी -फोंडें 2, पोरणें गोंय 4, कोपाड्डें फार्म 9, धाट फार्म 7 दोतोर/ सहाय्यक आसात. पिर्ला, कावरे, मळकर्णे, कोठंबी, गांवडोंगरी, आगोंद, लोलयें, खोतोडें, आगरवाडो ह्या गांवांनी सहाय्यक आसात.