भांगरभूंय | प्रतिनिधी
उडपी विमानांतल्या प्रवाशांची भियेवन गुळी
भांगरभूंय । प्रतिनिधी
वास्कोः ताका सिगरेट ओडपाची तलफ आयिल्ल्यान तो वॉशरुमांत गेलो. ताणें फस्क पेटयलें आनी अलार्म वाजिल्ल्यान मळबांत उडपी विमानांतल्या प्रवाश्यांची भियेवन गुळी जाली. विमान दाबोळी विमानतळाचेर देंवले उपरांत त्या प्रवाश्या आड दाबोळी विमानतळ पुलीस स्टेशनाचेर गुन्यांव नोंद केलो.
हैद्राबादेंतल्यान गोंया वटेन येवपी इंडियो विमानांतल्यान आंध्र प्रदेशांतलो गड्डम श्रीनिवास (40) हो प्रवास करतालो. विमान मळबांत आसतना ताका सिगरेट ओडपाची हुक्की आयली. तो वॉशरुमांत गेलो. ताणें बोल्सांतलें फस्क काडून सिगरेट पेटयली. ताका लागून तयार जाल्ल्या धुंवराक लागून विमानांतलो फायर अलार्म वाडपाक लागलो. भियेल्ल्या गड्डमान ती सिगरेट विमानांतल्या शौचालयांत उडयली. मात अलार्म वाजिल्ल्यान प्रवाश्यांची भियेवन गुळी जाली. तें विमान मंगळारा 23 जुलयाक रातीं देंविल्लें. ह्या प्रकारा खातीर इंडिगोच्या सहाय्यक वेवस्थापकान दाबोळी विमानतळ पुलीस स्टेशनांत बुधवारा सकाळीं कागाळ नोंद केली. ह्या प्रकरणांत पुलीस उपनिरिक्षक प्रथमेश पालकार फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
