भांगरभूंय | प्रतिनिधी
पणजी, प्रतिनिधी : सरकारी हॉस्पिटलां आनी भलायकी केंद्रांनी दुयेंतींचेर उपचार करपी दोतोरांचो उणाव आसतानाच गोरवांच्या हॉस्पिटलांनींय दोतोरांचो उणाव आसा. गोरवांच्या हॉस्पिटलांनी (वेटनरी हॉस्पिटल) दोतोर आनी साहाय्यकांचीं ४५ पदां रितीं आसात.
आमदार क्रुज सिल्वा हांच्या अतारांकीत प्रस्नाक गोरवां सांबाळ मंत्री नीळकंठ हळर्णकार हांणी ही लेखी जाप दिल्या. गोरवां सांबाळ खात्यांत दोतोर/ अधिकारी हांची ५६ पदां आसात. हाचें मदलीं २१ पदां रितीं आसात. साहाय्यकांची १४६ पदां आसात. तांतलीं २४ पदां रितीं आसात.
टोंका – करंजाळेच्या हॉस्पिटलांत दोतोर आनी साहाय्यक मेळून ८ अधिकारी/कर्मचारी आसात. तशेंच पोरणें गोंय, गोवा वेल्हा आनी चोडणां दरेकी १ साहाय्यक आसा.
म्हापशें वेटरनरी हॉस्पिटलांत दोतोर आनी साहाय्यक मेळून १२ कर्मचारी आसात. तशेंच हळदोणच्या उपकेंद्रांत १ साहाय्यक आसा. होंडा – सत्तरी हॉस्पिटलांत दोतोर आनी सहाय्यक ४ आसात. तशेंच केरी, रावण, पर्यें, सुर्ला उपकेंद्रांत दरेकी १ साहाय्यक आसा. कुर्टी – ङ्गोंडा हॉस्पिटलांत दोतोर आनी साहाय्यक ६ जाण आसात. तशेंच निरंकाल, कवळें, प्रियोळ आनी कुंडय उपकेंद्रांत दरेकी १ साहाय्यक आसा. सोनसडो – राय हॉस्पिटलांत ९, दिवचल हॉस्पटलांत ५ दोतोर/ सहाय्यक आसात.
हे भायर गोरवांचेर उपचार करपा खातीर डिस्पेन्सरी आसा. दिवचल डिस्पेन्सरींत ५, साळांत ३, पिर्णा ३, पेडण्यां ३, सावयवेर्यां २, चांदेल ३, कळंगूटे ३, मांद्रें ३, शिवोले ३, गवाणे ३, उजगांव ५, शिरोडें ३, वाळपय ५, मोलें ३, धारबांदोडें ४, सांगें ४, वास्को ४, नावेली २, कुंकळ्ळें ४, केपें ४, माजोर्डा ३, वार्का ३, काणकोण ४, पैंगीण २, नेत्रावळी ३, कुर्टी -फोंडें २, पोरणें गोंय ४, कोपार्डा फार्म ९, धाट फार्म ७ दोतोर/साहाय्यक आसात.
पिर्ला, कावरे, मळकर्णे, कोठंबी, गांवडोंगरी, आगोंद, लोलयें, खोतोडें, आगरवाडो ह्या गांवांनी साहाय्यक आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
