भांगरभूंय | प्रतिनिधी
काठमांडू, खबरां संस्था: नेपाळाच्या काठमांडू विमानतळार विमान कोसळून १८ जाणांक मरण आयलां. विमानांत १९ प्रवाशी आशिल्ले अशी म्हायती मेळ्ळ्या. हें विमान सौर्य एअरलाईन्सचें. आयज सकाळीं तें काठमांडूच्यान पोखरा वतना ही दुर्घटना जाली.
एएनआयन दिल्ले म्हायती प्रमाण, सौर्या एअरलायन्साचें हें विमान उडलें. कांय मिनटांतूच तें सकयल कोसळ्ळें. थळाव्यांक उज्याचो धुंवर दिसले उपरांत तांणी हाची म्हायती पुलिसांक दिली. पुलीस आनी आपत्ती वेवस्थापन दळाचे अधिकारी रोखडेच घडणुके सुवातेर पावले. मजत पंगडान आतां मेरेन १८ जाणांच्यो कुडी भायर काडल्यात. म्हत्वाचें म्हळ्यार ह्या विमानाचो पायलट जिवो आसा. ताका लागींच्या हॉस्पिटलांत दाखल केला.
ह्या अपघाताक लागून काठमांडू विमानतळावेली विमान येरादारी विस्कळीत जाल्या. जायतीं विमानां दुसर्या मार्गान वळयल्यांत. तशेंच विमानतळ प्रशासनान ह्या अपघाताची चवकशी करपा खातीर पंगडूय तयार केल्यात.
विमान कोसळटनाचो व्हिडीओ मुखार आयला
हे घडणुके उपरांत काठमांडू विमानतळार विमान कोसळिल्ल्याचो व्हिडिओ मुखार आयला. ह्या व्हिडीओंत विमान उडले उपरांत रोखडेंच सकयल देंविल्ल्याचें दिसता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
