भांगरभूंय | प्रतिनिधी
नवी दिल्ली, खबरां संस्था: अर्थमंत्री निर्मला सीतारमण हांणी मंगळारा अर्थसंकल्प सादर केलो. घरां वा दुकानां भाड्यान दिवपी लोकां खातीर अर्थसंकल्पांत नवो नेम आसा. तुमी तुमचें घर वा दुकानां भाड्यान दितात जाल्यार हें लक्षांत दवरात. घर भाड्याक दिवन जोडपी लोकां खातीर अर्थसंकल्पांत म्हत्वाची तजवीज केल्या. घर वा दुकान भाड्याक दिवन मेळपी उत्पन्न हें आयकर भरतना गृहनिर्माण मालमत्तेंतल्यान मेळपी उत्पन्नांत आस्पावन घेवप गरजेचें. आतां तें वेवसायाचें उत्पन्न म्हणून दाखोवपाक मेळचें ना.
अर्थमंत्री सीतारमण हांणी अर्थसंकल्प वाचतना इनकम टॅक्स ऍक्टा विशीं एक म्हत्वाचो उल्लेख केला. तातूंत तांणी स्पश्टपणान म्हणलां, निवासी मालमत्ता भाड्यान दिल्ल्यान मेळपी उत्पन्न हें वेवसाय वा वेवसायांतल्यान मेळपी उत्पन्ना परस गृह संपत्ती उत्पन्ना खाला दाखोवचें.
मजगतीं, करदाते भाड्याच्या घरांतल्यान मेळपी उत्पन्न हें वेवसायाचो वा वेवसायांतलो फायदो म्हणून दाखयतात. ताका लागून ताचो कर उणो जाता, अशें अर्थमंत्र्यांनी म्हणलां. ही तरतूद कांय मालमत्ताधारकांक भाड्याचें उत्पन्न वेवसायीक उत्पन्न म्हणून दाखोवपाची परवानगी दिता. हाका लागून देखभाल, खर्च, दुरुस्ती हातूंत कपातीचो दावो करपाक शकता. अशे तरेन उत्पन्नाचो चुकीचा अहवाल देवन, करदाते तांचें करपात्र उत्पन्न उणें करतात. ताका लागून तांकां उणो कर भरचो पडटा.
केंद्र सरकार कलम २८ त सुधारणा करपाचो प्रस्ताव मांडटले. उपरांत करदात्याक भाड्याचें उत्पन्न वेवसायीक उत्पन्न म्हणून दाखोवपाक मेळचें ना. वेवसाय वा घराची मालमत्ता मेळटकच ती घराया मुखेल्या खाला फारीक करची पडटली. नव्या नेमांक लागून कर दायित्व वाडपाची शक्यताय आसा.
अर्थमंत्र्यांन सांगलें, ही दुरुस्ती फुडलें अर्थीक वर्स १ एप्रिल २०२५ सावन लागू जातली. ह्या नव्या नेमांक लागून आयकरदात्यांक चुकीच्या उत्पन्नाच्या नांवा खाला उणें कर भरपा पसून आडावपाक मेळटलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
