भांगरभूंय | प्रतिनिधी
मडगांवच्या श्री दामोदर विज्ञान उच्च माध्यमीक विद्यालयान 19 वर्सां पिराये सकयली आंतर विभाग बुद्दीबळ सर्तींत चले आनी चलयांच्या गटांतलें वस्तादपण जोडलें. ह्या जैतान दोनूय पंगड राज्य निमाणे फेरये खातीर पात्र जाले.
फातोड्डेंच्या मल्टीपर्पझ हॉलाचेर सर्तीचें आयोजन केल्लें. चल्यांच्या गटांत श्री दामोदर उच्च माध्यमीक विद्यालयान कुडचडेंच्या सीटीएन उच्च माध्यमीक विद्यालयाक जाल्यार चलयांच्या गटांत माशेंच्या एस एस आंगले उच्च माध्यमीक विद्यालयाक हारयलें.
जैतिवंत पंगडांनी रुबेन कुलासो, तेजस शेट वेर्णेंकार, अथर्व सावंत देसाय, विन्सेंट पी ए फर्नांडीस, राजकुमार मोहंता, आश्वी देसाय, वृत्तिका नायक गांवकार, आशना देसाय, शौर्या पेडणेंकार हांचो आस्पाव आशिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
