भांगरभूंय | प्रतिनिधी
फोंडें, प्रतिनिधी ः तिराळ – उसगांवां राजश्री नायक हांचें कोसळिल्लें घर परतून बांदून दिवपाचे आस्वासन थळावे आमदार आनी भलायकी मंत्री विश्वजीत राणे हांणी दिले. शेनवारा रातीं घराचो एक भाग कोसळ्ळो.
शेनवारा हें मातयचे घर कोसळ्ळें. हाका लागून राजश्री नायक बेघर जाल्या. शेजाऱ्यांनी तिका रावपाक आलाशिरो दिला. सोमारा घर कोसळिल्ल्याची खबर आयले उपरांत भलायकी मंत्री विश्वजीत राणे हांणी दखल घेवन घर परतून बांदून दिवपाचें उतर दिलां. तशेंच तिराळच्या समती नायक हांचें घर कोसळपाच्या वाटेर आशिल्ल्यान तें दुरुस्त करुन दिवपाचेय उतर भलायकी मंत्र्यान दिला. थळावो पंच राजेंद्र नायक हांणीय राजश्री नायक हिका घर बांदून दिवपाचे यत्न सुरू केल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
