भांगरभूंय | प्रतिनिधी
फोंडें, प्रतिनिधी: गोवा डेरींत पार्क केल्ल्या टेम्पो आनी रिक्षेचेर सोमारा सकाळीं सुमार ८.३० वरांचेर आंब्याचें झाड कोसळ्ळेंे. हातूंत टेम्पो आनी रिक्शेचें बरेंच लुकसाण जालां. मात तांचे कुशीक वापरा बगर आशिल्लीं तीन वाहनां सुरक्षीत आसात. फोंडें उजो पालोवपी दळाच्या जवानांनी घडणुके सुवातेर वचून झाड कुशीक केलें.
सोमारा सकाळीं सुरु जाल्ल्या पावसांत गोवा डेअरीच्या कार्यालया लागसारा पार्क केल्ल्या वाहनांचेर आंब्याचें झाड कोसळ्ळें. झाड कोसळून जीए -०५-टी – ३३८५ क्रमांकाचो टेम्पो आनी जीए -०५- टी-१४६५ क्रमांकाचे रिक्षेचें लुकसाण जालें. जाल्यार ह्याच वाहनां कुशीक वापरा बगर आशिल्ल्या तीन वाहनांचें कांयच लुकसाण जावंक ना. हे विशीं म्हायती मेळटांच फोंडें उजो पालोवपी दळाच्या कर्मचार्यांनी घडणुके सुवातेर येवन झाड कुशीक केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
