भांगरभूंय | प्रतिनिधी
वास्को, प्रतिनिधी: सेगीत पडपी पावसाक लागून सिंदोळी- सांकवाळेच्या मारूती नायक हांचें मातयेच्या वणट्यांचें घर शेनवारा सांजेवेळार कोसळ्ळें. हे विशीं कुठ्ठाळेचे आमदार आंतोनियो वास हांणी पळोवणी करून योग्य ती सरकारी मजत मेळोवन दिवपाचो उलो मारलो. मारूती नायक हांच्या घराच्यो वणटी आनी पांखें कोसळिल्ल्यान बरेंच व्हड लुकसाण जालें.
मजगतीं, कुठ्ठाळेचे क्लिफ वाझ हांच्या घराचेर आयतारा पालसणां कोसळिल्ल्यान घराची वणत आनी पांखें तशेंच हेर सामानाचें लुकसाण जालें. हे विशीं कुठ्ठाळेचे आमदार आंतोनियो वास आनी मुरगांवचे आमदार संकल्प आमोणकार हांणी पळोवणी केली. अग्निशमन दळ आनी आपत्ती वेवस्थापन हांगा येवन पालसणां कुशीक काडपाचें काम सुरू केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
